EH Bilduk apirileko zerrenda berak aurkeztuko ditu azaroaren 10erako

Jon O. Urain -

2019ko urriak 1

EH Bilduren Mahai Politikoak proposatu du Espainiako Kongresurako eta Senaturako hauteskundeetako zerrendak apirilaren 28ko bozetan aurkeztutako berak izatea. Horrela, Mertxe Aizpurua izango da Gipuzkoako zerrendaburua kongresurako, Iñaki Ruiz de Pinedo Arabakoa, Oskar Matute Bizkaikoa, eta Bel Pozueta Nafarroakoa. Senaturako, berriz, Gorka Elejabarrieta (Gipuzkoa), Arantza Gutierrez (Bizkaia), Garazi Dorronsoro (Araba) eta Oihan Mendo (Nafarroa) izango dira zerrendaburuak.

Orain, EH Bilduko oinarriek berretsi beharko dute Mahai Politikoak egindako proposamena. Modu telematikoan bozkatuko dute, eta inskribatuta dauden guztiek izango dute parte hartzeko aukera. Gaur eman ahal izango dute botoa, gaueko hamabietatik arratsaldeko seietara.

Hala ere, izango dira berritasunak azaroko hauteskundeetan, apirilekoekin alderatuta. Besteak beste, Mas Pais hautagaitzak posizio batzuk mugiarazi dituelako. Esaterako, iaz sortutako Solidaria alderdiak bere zerrendak eskaini dizkio Bizkaian Mas Paisi. PSE-EEko kide ohi batzuek sortu zuten Solidaria —tartean zen Unai Ortuzar, PSEko idazkaritzarako Idoia Mendiarekin lehiatutakoa—, eta alderdia prest dago Mas Paisekin negoziatzeko, baina konpromiso bat nahi du Eusko Legebiltzarrerako hauteskundeetan ere elkarrekin aurkezteko. «Prest gaude bat egiteko edo Mas Paisek irentsiak izateko, baina ez soilik hauteskunde orokorretarako», adierazi dute alderdiko iturriek.

Apirilaren 28an ere aurkeztu zen Solidaria, baina ez zuen ordezkaririk lortu Hego Euskal Herrian. Orain, Bizkaian baino ez ditu zerrendak aurkeztuko; Mas Paisek ere Bizkaian soilik lehiatzeko asmoa dauka.

Equo ez da aurkeztuko

Mas Paisen agerpenak urak nahastu ditu Equon ere; alderdiko kideek erabaki zuten Espainian Unidas Podemosekiko aliantza apurtzea eta Mas Paisekin bat egitea, baina Equoren sortzaileetako batek, Juantxo Lopez Uralde Unidas Podemoseko Arabako diputatuak, utzi egin zuen alderdia, Pablo Iglesias buru duen koalizioan jarraitzeko. Euskal Autonomia Erkidegoan, ordea, Equoko batzarrak erabaki du inolako hautagaitzarekin ez aurkeztea azaroaren 10ean, ez parte hartzea hauteskunde kanpainan eta ez eskatzea inoren aldeko botoa. Hala egiteko eskatu zion Bizkaiko batzarrak EAEkoari, eta hark kasu egin dio.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Rafael Bengoa, artxiboko irudi batean ©Gorka Rubio / Foku

«Mikrokonfinamenduak» ezartzearen alde dago Bengoa

Irati Urdalleta Lete

Eusko Jaurlaritzako Osasun sailburu ohiak aztarnarien falta dagoela azpimarratu du. Uste du agerraldiak egotea herritarren portaeraren eta administrazioaren kudeaketaren ondorioa dela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna