Albistea entzun

Autogobernua «ongizatea» dela defendatu du Urkulluk Nazio Batuen Erakundean

New Yorken dago, NBEk antolatutako Goi Mailako Foro Politikoan parte hartzeko. Erakunde horretan hitz egin duen lehen lehendakaria da
Iñigo Urkullu, atzo, New Yorken, NBEren egoitzan.
Iñigo Urkullu, atzo, New Yorken, NBEren egoitzan. IREKIA Tamaina handiagoan ikusi

Gotzon Hermosilla -

2019ko uztailak 16

Eusko Jaurlaritzako lehendakari Iñigo Urkullu New Yorken dago, NBE Nazio Batuen Erakundeak antolaturiko HLPF Goi Mailako Foro Politikoan parte hartzeko, eta, han, «politika publikoen garapenerako eta finantzaketarako eskumenak dituen autogobernua» defendatu du. Esan duenez, autogobernua «ongizate eredua» da. Goi Mailako Foro Politikoa Garapen Jasangarrirako Nazio Batuen plataforma nagusia da; hark egiten du 2030 Agendaren eta GJH Garapen Jasangarrirako Helburuen segimendu eta berrikuspena. Urkullu Foro horren bileran parte hartzen ari da —orain arte egindako zazpigarrena—, eta han aurkeztu ditu Araban, Bizkaian eta Gipuzkoan abian jarritako egitasmoak, 2030 Agendaren eta GJH Garapen Jasangarritako Helburuen arlokoak. Erakunde horretan hitz egin duen lehen lehendakaria da.

Urkulluk esan duenez, «Euskadi aitzindaria» izan da Europan helburu horiei atxikitzen eta horiek ezartzen, eta horren adibide gisa Euskadiko Bonu Jasangarrien esperientzia azaldu du Foroan.

Bonu horien bi jaulkipen egin ditu jaurlaritzak, jadanik, eta horien balioa 1.100 milioi euro da: hots, EAE Euskal Autonomia Erkidegoko aurrekontuaren %10.

Urkulluk esan duenez, bonuek «oso harrera ona» izan dute, eta horien bitartez lorturiko baliabideekin 2030 Agendari lotutako gizarte eta ingurumen proiektuak finantzatzen dira. «Euskadiko Bonu Jasangarrien esperientziaren bidez, 2030 Agendari lotutako proiektuen finantzaketa bermatzeko funtsezko hiru faktore nabarmendu ditzakegu: kaudimena, gardentasuna eta sinesgarritasuna», erantsi du Urkulluk.

«Balioetan oinarriturik»

«Euskadi balioetan oinarritutako herria da», esan du Urkulluk, eta nabarmendu du balio horiek bat datozela Garapen Jasangarrirako Helburuek ezarritakoekin. «Jarraituko dugu mundu berdinzaleagoa, jasangarriagoa, solidarioagoa eta bidezkoagoa eraikitzeko konpromisoari lotuta».

Urkulluk gogorarazi du euskara «Europako hizkuntzarik zaharrena» dela, «beste inongo hizkuntzarekin harreman ezagunik ez duena», eta Gernika (Bizkaia) ere aipatu du bere hitzaldian: «bakearen ikono unibertsala» ez ezik, «euskal demokraziaren eta askatasunen sorleku» ere badela azaldu du. «Herri irekia gara, abangoardia maite duen antzinako herria», esan du.

Urkulluren esanetan, «euskal ereduak erakusten du autogobernua ongizatearen sinonimo dela, politika publikoen garapenerako eta finantzaketarako eskumenak dituen autogobernua», eta horri eusteko konpromisoa azaldu du.

Gaur ere New Yorken egongo da Urkullu lehendakaria. Hori dela eta, Eusko Jaurlaritzak astearteetan egin ohi duen Gobernu Kontseiluaren bilera bideokonferentzia bidez egingo dute, eta New Yorketik zuzenduko du Urkulluk. Geroago, bilera izango du Miguel Angel Moratinos Zibilizazioen Aliantzarako goi ordezkariarekin, eta harrera egingo dio New Yorken bizi den euskal komunitateari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

EH Baik elkarretaratzea egin zuen atzo goizean, Euskal Hirigune Elkargoaren egoitza aitzinean. ©GUILLAUME FAUVEAU

Bizilekuen Tokiko Programa onetsi du Euskal Elkargoak

Ekhi Erremundegi Beloki

Bideokonferentziaz egin dute Euskal Hirigune Elkargoko batzarra, osasun egoeraren ondorioz. 630 milioi euroko aurrekontua onartu dute hautetsiek, inbertsiorako 160 milioi euro atxikita

Aitor Esteban EAJko diputatua, Espainiako Kongresuan. ©CHEMA MOYA / EFE

Martxorako agindutako eskumenak ez ditu uda aurretik jasoko Jaurlaritzak

Jon O. Urain

Martxorako agindutako eskumenak ez ditu uda aurretik jasoko Jaurlaritzak. EAJk izurriari eta Madrilgo bozei egotzi die atzerapena

Ander Iriarte eta Paco Etxeberria, dokumentalaren grabazioan, joan den larunbatean. ©JON URBE / FOKU

Grabaketak amaituta, azken lanetan da 'Krask soinua'

Jon O. Urain

Grabaketak amaituta, azken lanetan da 'Krask soinua', 1960-2014 aldiko torturak jasotzen dituen txostenean oinarritutako dokumentala. Tratu txarren adiera «sofistikatua» hartu dute ikergai, horien «bilakaera horrelakoa izan delako».

Puerto I eta II espetxeak, joan den urrian. ©NAGORE ARIN

Herrera de la Manchan ez da jada euskal presorik, eta laster Puerto Ien ere ez da izanen

Maddi Ane Txoperena Iribarren

Hiru euskal preso hurbilduko dituztela iragarri dute Espainiako Espetxe Erakundeek: Fernando Elejalde Tapia Puerto Ietik Mansillara mugituko dute, Iñigo Vallejo Franco Dueñasetik Duesora eta Garikoitz Etxeberria Goikoetxea Sevilla IItik Dueñasera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.