Adituak ateak itxita azalpenak ematen ari dira Autogobernu Lantaldean

EAEko estatus berriari buruzko testuak azalduko dituzte. Urrutiak aldebiko harremana nahi du Espainiarekin; Elizondok gaiari buruzko desadostasunak onartu ditu
Adituak atzo hasi ziren azalpenak ematen Autogobernu Lantaldean.
Adituak atzo hasi ziren azalpenak ematen Autogobernu Lantaldean. ENDIKA PORTILLO / FOKU Tamaina handiagoan ikusi

Irati Urdalleta Lete -

2020ko urtarrilak 14

Hasi dira Autogobernu Lantaldearen aurrean azalpenak ematen EAEko estatutu politiko berriaren testu artikulatua egiteko talde parlamentarioek izendatutako adituak. Abenduaren hasieran utzi zuten Eusko Legebiltzarraren esku autogobernua gaurkotzeko testu artikulatua, EAJren, Elkarrekin Podemosen eta PSE-EEren babesarekin. Iñigo Urrutiak —EH Bilduk izendatutako aditua— eta Jaime Ignacio Del Burgok —PPrena—, berriz, desadostasunak direla medio, testu propio bana aurkeztu zuten.

Agerraldien aurretik, lantaldean dauden EAJko, PSE-EEko eta Elkarrekin Podemoseko legebiltzarkideek erabaki dute ateak itxita egingo direla Autogobernu Lantaldeko eztabaidak, «komunikabideek eta publizitateak» ez dezaten lana oztopatu. EH Bilduk eta PPk, ordea, adierazi dute adituen agerraldiek publikoak izan behar dutela; orain arte egin dituzten bileretan ere, adituei konfidentzialtasuna eskatu zaie.

Atzo, azalpenak ematen lehengoak izan ziren Iñigo Urrutia eta Arantxa Elizondo —Elkarrekin Podemosek izendatutako aditua—, eta gainerako adituei gaurtik aurrera iritsiko zaie txanda. Hain zuzen, gaur izango da autogobernu lantaldean PSE-EEren Alberto Lopez Basaguren, eta Mikel Legardak —EAJk izendatua— urtarrilaren 31rako du jarria eguna. PPk izendatutako Jaime Ignacio del Burgo, berriz, biharko deituta zegoen, baina agerraldia atzeratuko du, gaixorik dagoelako.

Iñigo Urrutiarena izan da lehen agerraldia. Ondoren egindako prentsaurrekoan nabarmendu du euskal estatus berriarentzat «giltzarria» izango dela Espainian osatu berri den gobernuaren legegintzaldia. Gaineratu du Euskal Herrian ere landu beharko liratekeela autodeterminazioa, galdeketak eta herritarrei hitza ematea, Kataluniako eta Espainiako gobernuen arteko elkarrizketa mahaian bezala. «Hemen ere antzeko mahai baten beharra egon daiteke», azpimarratu du.

Espainiako Estatuarekin eduki beharreko harremanez ere aritu da Urrutia. Haren iritziz, harreman hori ezin da izan «mendekotasunezkoa», eta azaldu du EH Bilduk estatutu berriaz egiten duen proposamenak ez duela derrigortzen Espainiako Konstituzioa aldatzera.

Oinarriekin zerikusirik ez

Halaber, esan du ez dagoela ados EAJk, EPk eta PSE-EEk aurkeztutako testuarekin. «Hiru alderdien boto partikularren bidez ikusten da iritzi desberdinak dituztela erabakitzeko eskubidearen, konpetentzien banaketaren eta Euskal Herriaren eta [Espainiako] estatuaren arteko harremanez». Urrutiaren iritziz, gehiengoak babestutako testuak ez dauka zerikusirik autogobernu lantaldean EH Bilduk eta EAJk adostutako oinarriekin. Ziurtatu du lantaldeak estatuaren oinarriak izango zituen subjektu bat definitzeko eskatu ziela, baina iruditzen zaio EAJren, Elkarrekin Podemosen eta PSE-EEren testua estatutuaren erreforma soilik dela. Berak aurkeztutako testuak, berriz, Espainiako Estatuarekin «aldebiko harremana» izatea proposatzen duela idio.

Arantxa Elizondok ere atzo egin zuen agerraldia. Urrutia baino baikorrago mintzatu da azalpenak bukatutakoan egindako prentsaurrekoan. Esan du Pedro Sanchezen gobernu berriak «elkarrizketa bideak» ireki ditzakeela, «Kataluniarentzat eta Euskadirentzat ondorio onak» ekarriko dituztenak. Izan ere, iruditzen zaio «fase berri bat» ireki dela.

Urrutiak esan bezala, onartu du EAJren, Elkarrekin Podemosen eta PSE-EEren artean hainbat desadostasun egon direla autodeterminazio eskubidearen inguruan, eta horregatik egin dituztela formulazio desberdinak. «Modu legal eta hitzartuan» egingo balitz «bideragarritasun juridiko ukaezina» izango lukeela gaineratu du Elizondok. Hala ere, ez da iragartzen ausartu epe motzean edo ertainean ados jartzea lortuko den, eta ziurtatu du beren lana legebiltzarreko taldeei hainbat aukera ematera mugatu dela. Adituen lan horri dagokionez, esan du saiatu direla testua herritar guztientzat «eskuragarria» izan dadin, eta nabarmendu du, erabakitzeko eskubidearen inguruan egon diren eztabaidak alde batera utzita, bere iritziz eskubide sozialen inguruko zatia dela garrantzitsuena.

PPren adituak hitz egin ez badu ere, alderdi horretako legebiltzarkide Anton Danboreneak Eusko Jaurlaritzari egotzi dio Autogobernu Lantaldea legegintzaldi honetan «likidatu» nahi izatea, Madrilen Sanchezen, EAJren, EH Bilduren eta ERCren akordioaren esku utzi duelako dena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Arnaldo Otegi lehengo astean ©EH BILDU

EH Bilduk eta ERC Esquerra Republicanak «jendearentzako ezker erabilgarria» izan nahi dute

Igor Susaeta

Otegiren esanetan, bi indarrek aurrekontuak babestuko dituzte, «herritarren bizi baldintzak hobetzeko» eta Euskal Herriaren eta Kataluniaren «askatasuna lortzeko»

Josetxo Arizkuren, 2013an, Espainiako Auzitegi Nazionalean. ©CHEMA MOYA / EFE

Josetxo Arizkuren Ruiz euskal presoa ospitaleratu egin dute

Berria

Ez da bihotzeko arazoengatik ospitaleratzen duten lehen aldia. Larri gaixo dauden presoen zerrendan dago. Sarek salatu du informazio «nahasgarria eta urria» ematen ari zaizkiela eta Arizkurenek ez duela konfiantzazko medikuarekin egoteko aukerarik izan.

Bakegileek irailaren 19an Baionako suprefeturaren aitzinean egindako desobedientzia ekintza. ©BOB EDME

Haranbururena ikusita, Bakegileek bertan behera utzi dute abenduaren 19ko egitasmoa

Maddi Ane Txoperena Iribarren

Presoen aldeko desobedientzia zibileko ekintza bat prestatua zuten Bakegileek abendurako, baina ez egitea erabaki dute. Frederique Haranburu 'Xistor' baldintzapean aske uzteak «egoera alda dezake», haien ustez, eta Haranbururen epaiak Jakes Esnali eta Ion Paroti «bidea irekitzeko» lan egitea hobetsi dute.

1 ©EZEZAGUNA / EZEZAGUNA

BUELTAN ETORRI ZITZAION

Gotzon Hermosilla - Iñaki Petxarroman

Duela 50 urte, frankismoak epaitegi militar baten aurrera eraman zituen hamasei euskal ekintzaile, eta heriotza zigorra eskatu zuen haietako seirentzat. Epai zentzagarria eman nahi zuen erregimenak, baina kontrakoa lortu zuen: herritarren protestek eta nazioarteko elkartasunak ataka estuan jarri zuten diktadura.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna