'Paperezko hegoak' dokumentala aurkeztu dute

Josu Martinez zinemagile eta ikertzaileak eta Samara Velte kazetariak Euskaldunon Egunkaria-ren aurkako operazioa nola eta zergatik egin zen aztertu dute Paperezko hegoak dokumentalean. Hainbat pertsonari egindako elkarrizketei eta zenbait irudi argitaragaberi esker, orain arte ezagutzen ez zen informazioa argitara atera dute. Filmak Donostiako 69. Zinemaldiko Zinemira sailean parte hartu du, eta egileek atzo aurkeztu zuten jendaurrean. Gaur, beste emanaldi bat izango da Zinemaldian: 16:00etan, Trueba zinema aretoan.