Albistea entzun

Trafiko eskumenaren akordioa atzeratu egin dute Iruñeak eta Madrilek

Remirezen iritziz, «oso aurreratuta» dago bi aldeen arteko negoziazioa. Transferentziaren prozesua «2024 eta 2025ean artean» burutuko da
Foruzaingoaren kontrola, Milagron.
Foruzaingoaren kontrola, Milagron. JESUS DIGES / EFE Tamaina handiagoan ikusi

Joxerra Senar -

2021eko azaroak 25 - Iruñea

Abenduaren 1ean zen sinatzekoa trafiko eskumenaren inguruko akordioa, baina oraingoz ez da posible izango. Atzeratu egin dute bi aldeek, Espainiako zein Nafarroako gobernuek. Irailaren hasieran, arrandia handiz egindako iragarpenean, eman zuen abenduko data Nafarroako Gobernuak, baina atzo Javier Remirez presidenteordeak jakinarazi zuen oraindik ere «kontu batzuk» daudela lotzeko, eskumenaren inguruko Transferentziaren Batzordea bildu aurretik. Haren esanetan, akordioa «aurki» izango da, baina ez zuen beste egunik eman.

Dagoeneko, atzerapen handia darama trafiko eskumenaren eskualdatzeak. 2018ko urriaren 31n, Pedro Sanchez Espainiako Gobernuko presidenteak zin egin zion Uxue Barkos orduko lehendakariari 2019ko foru hauteskundetarako eskumen hori transferituko zuela, baina hiru urte eta hilabete bat iragan dira geroztik. Aldarrikapen historiko hori lortu gabe jarraitzen du Nafarroak: 1928tik 1960ko hamarkada hasierara arte, bere gain izan zuen errepideen zaintza harik eta diktadurak bere gain hartu zuen arte,

Dena den, Remirezek lasaitasun mezua eman zuen atzo. Haren esanetan, negoziazioetan «oso aurreratuta» daude bi aldeak, eta «kontu teknikoak» baino ez dira falta. Akordioa gauzatzen denean, hiruzpalau urteko trantsizioa izango du Nafarroak errepideen kontrolaren ardura osorik hartu arte. Remirezek espero du transferentzia prozesua burutzea «2024ko abenduaren 31 eta 2025eko abenduaren 31 bitartean».

189 guardia zibil, trafikoan

Remirezek iragarri zuen bi gobernuek lotua dutela eskumena bere gain hartzeak zenbateko kostua izango duen, eta, ondorioz, zenbat diru gutxiago pagatu beharko dion estatuari urtero ordaindu beharreko ekarpenetik.

Negoziazioaren puntuetako bat da zer gertatuko den egun trafikoan aritzen diren 189 guardia zibilekin. Nafarroako Gobernuak uste du 149 foruzain gehiago behar dituela, baina, Remirezek atzo zehaztu zuenez, hala nahi duten guardia zibilei «pasabide bat» ezarriko zaie foruzain egin daitezen. 2022ko aurrekontuaren lege proiektuan, xedapen bidez kreditu bat ezarri da foruzain berriei soldata eta guardia zibilei osagarri bat pagatzeko, egun kobratzen duten diruarekin alderatuta aldea konpentsatzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Herritar batzuk osasun zentrora bidean, Donostian ©Maialen Andres / FOKU

Astebetean %52 handitu da positibo kopurua Hego Euskal Herrian

Irati Urdalleta Lete

27 herritar hil dira COVID-19ak jota, iragan astean baino hiru gehiago. Orotara, 445 gaixo daude Hego Euskal Herriko ospitaleetan.

Moderna txertoaren bi bial. ©Guillaume Fauveau

Moderna txertoa baizik ez dute jarriko Iparraldeko txertaketa guneetan

Oihana Teyseyre Koskarat

Eskualdeko Osasun Agentziak erran du «dosien kontserbazioagatik» hartu duela erabakia. Pfizer txertoaren dosi bat jarri behar dutenek eta 30 urtetik beherako herritarrek osasun langile independenteengana jo beharko dute hemendik aitzina.

Ziburun hildako hiru migranteen heriotzak salatzeko protesta ©Guillaume Fauveau

Ziburun trenak harrapatuta zaurituriko etorkinak eta hiru elkartek salaketa jarri dute

Oihana Teyseyre Koskarat

Nahi gabeko hilketagatik, bizia arriskuan jartzeagatik, nahi gabeko zauriengatik, eta pozoitzeagatik jarri dute salaketa Cimade, Anafe, eta Gisti elkarteek, istriputik zauriturik atera zen etorkinarekin batera.

Ikasleak maskara jantzita, Mauleko kolegioan, iragan irailean. ©Guillaume Fauveau

Ikastetxeetako protokoloa zorroztuko dute Ipar Euskal Herrian

Oihana Teyseyre Koskarat

Hirugarren arrisku maila aplikatu beharko dute hezkuntza egoitzetan: maskara derrigorrezkoa izanen da beti, taldeak ez nahasten ahalegindu beharko dira, eta, tokiko egoeraren arabera, lizeoetan klaseen erdia etxetik egiten ahalko dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.