Albistea entzun

PSNk uste du «susperraldiaren hasieran» dagoela Nafarroa

Akordioetarako eskua luzatu die bertze taldeei. Ezkerrak «anbizio» handiagoa eskatu du. EAJk «positibotzat» jo du Jaurlaritzaren lehen urtea

Maddi Ane Txoperena Iribarren - Ion Orzaiz -

2021eko irailak 4

Uda honetan bi urte bete ditu PSNk Nafarroako Gobernuko presidentetzan, eta, Ramon Alzorriz Nafarroako sozialisten Antolaketa idazkari eta parlamentuko bozeramaileak atzo nabarmendu zuenez, aurtengo ikasturtea izanen da gobernuak aitzinera eraman behar dituen proiektuen «egonkortzearena». Baina ez hori bakarrik: urte politikoari hasiera emateko Iruñean eginiko agerraldian, PSNko eledunak nabarmendu zuen Nafarroa «susperraldiaren hasieran» dagoela, baita eredu ekonomiko, sozial eta produktiboaren «eraldaketaren» hasmentan ere.

Modu baikorrean hasi du ikasturtea PSNk, beraz, eta gainerako alderdiei eskua luzatuta ere bai. Izan ere, Alzorrizen ustez, «ezinbestekoa» da «gaur egungo beharren araberako» aurrekontuak onartzea, eta, horiek lortzeko, akordioetarako prest agertu zen atzo: «Nahi dutenak egonen dira hemen, betorik gabe». Hala, bertze talde politikoekin «elkartzen» dituenari erreparatu nahiko lioke Alzorrizek, «bereizten» dituena alde batera utzita. Navarra Sumak haiekiko duen jarrera gaitzesteko ere baliatu zuen atzokoa PSNko kideak: «Haien helburu bakarra gobernuari eraso egitea eta Nafarroaren irudi txarra ematea da».

Navarra Sumako legebiltzarkide eta UPNko buru Javier Esparzaren ustez, ordea, «Bildurekin sinatutako itunen prezioa pagatzen» hasi da PSN. Besteak beste, «argindarraren garestitzea» eta «osasun arretaren okertzea» egotzi zizkion Txibiteri.

Ezkerrak ere gobernuaren balorazioa egin zuen atzo, eta adierazi zuen haren ustez «aurrerapenak» egin dituela akordio programatikoaren betetzean. Nolanahi ere, «anbizio handiagoa» izateko galdegin zion PSNri.

EAJren «mugarriak»

Iñigo Urkulluk ere urtea bete zuen atzo Eusko Jaurlaritzako legealdi honetako lehendakari karguan, eta EAJk urtearen errepasoa egiteko baliatu zuen. Agintaldiaren lehen urtearen «balantze positiboa» egin zuten jeltzaleek: haien iritziz, pandemiaren aurkako borroka «eraginkorra», gizarte zerbitzuak «indartzea» eta ekonomia eta enplegua «suspertzea» izan dira legealdiaren lehen urteko «mugarriak».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...