Albistea entzun

Donostia 2016 Kultur Hiriburutza. Proiektuaren balantzea. IRITZIA

Kulturaren izenean

Garbine Ubeda - Kazetaria

2017ko urtarrilak 22

Jende ezaguna hiltzen denean, harentzat alabantza eta hitz gozoa besterik ez da izaten. Okerra edo duda-mudakoa isilduta, hildakoak dena ona izan ohi du bere ingurumaria osatu dutenen ahotan, eta halakoxe eszenaren itxura hartu du D2016k ere, amaierako ezkilek jo berri dutenean. Miren Azkarate eta enparauen laudorioak adibide hartuz gero, defuntu santua irudi luke Kultur Hiriburutzaren kontuak, orbanik txikiena ere ez zaio atera, dena du garbi eta goren, halako lanak eman eta beste horrenbesteko zalapartak aterarazi dituen arren.

D2016ren gidaritzapean gauza arrunt interesgarriak bideratu direnik ez dut zalantzan jartzen, baina gakoa ez da urte osoko jardunari zer ekitaldi on aletu dakiokeen, bere osoan zer hondar utzi duen baizik; aldarrikatu duen filosofia benetan jatorra izan ote den ala Coca-colak egin ohi dituen iragarki zoriontsuen moduko amua. Honenbestez, ekidinezinak dira galderak:

Giltzapekoak arte-erakusketan gertatutakoa kontuan hartuta, Bake eta Bizikidetzaren etsenplu izan nahi duen ebentoan zentsura zilegi baldin bada, biktimak hegazkinetako aulkien gisan lehen eta bigarren mailakotan sailka badaitezke, eta preso jakin batzuk, epaileak ezarritako zigorra aski ez eta praktikan heriotzara kondenatuko badira, hatsa hartzeko eskubidea ukatuko ez zaien arren erabat desagerrarazi egin behar badira min eman ez dezaten, bat, ez ote diren horiek berak, hain zuzen, gerra betean dirauenaren estrategiak eta manerak. Bi. Zer den justuki Bizikidetza. Hiru. Zer zentzu eman nahi zaion Bakeari, edo bestela esanda, egiazki nori eman nahi zaion Bakea.

Siriako errefuxiatuen krisiari buruzko begiradak solasaldi instituzionala martxan jarri eta gonbidatuko diren hizlariak antolatzailearen sokakoak izango badira denak, pentsamolde politiko berekoen ikuspuntua besterik ez bada kontuan hartuko, eta erabaki hori bera zuritzeko «kontaktuetatik tiraka» egin izana balekotzat jo badaiteke, bat, zertaz ari garen parte-hartzea sustatzeko eta aniztasuna bermatzeko tresna guztiak baliatu direla esaten denean. Bi. Zehazki zein diren tresna misteriotsu horiek; Demokrazia Zuzen Modernoari buruzko Foro Globala antolatu eta inaugurazioan Espainiako errege-erreginen irribarre ergelak erakustea bezalako paradoxa txistosoez ari ote diren.

D2016k oinarritzat hartutako leloaz harago, urte osoko jardunek Kultura zer den, baina batez ere zer ez den, jarri digute agerian. Bota dezadan gordin.

Kultura, eta beronen baitan hizkuntza, gure nahi eta ezinaren sinbolo argia da. Lege menperatzaile eta merkantilistak ditu gainetik. Funtsa ukatu zaio, izateko arrazoia: transgresioa, status quo delakoa urratzeko gaitasuna.

Kultura ez da altzairua, ez da industria, eta jakina, ez da estrategikoa, 2016ko itsaslaminen xaramelek kontrakoa sinetsarazi nahi izan ziguten arren. Kultura pelotazo turistikoetarako lehengaia besterik ez da, eta logika horretatik at ibili nahi duenak, sortzaile izan edo hizkuntza nahiz kultura zale huts, gorriak ikusi beharko ditu aurrerantzean ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Joanes Etxebarria

Jean-Louis Davant: «Anitz egin da hitz berrien asmatzeko, baina zahar anitz galdu ditugu»

Joanes Etxebarria - Ipar Euskal Herriko Hitza

Liburu edo pastoraletan, historia landu du bereziki, olerkiekin batean. Idazlan luzeak gehiago ez egitea deliberatu du. Uste du aitzinatu dela euskararen alorrean, baina lan asko dela egiteko.

<em>Maus</em> liburuko lau bineta. ©ASTIBERRI

Saguen txilioak holokaustoan

Uxue Rey Gorraiz

Gurasoek holokausto nazian bizitakoetan oinarrituta sortu zuen Art Spiegelmanek 'Maus' komikia. Pulitzer saria irabazi zuen 1992an. Euskarara ekarri dute berriki.

Soinu txikia XIX. mendearen amaieran hedatu zen Euskal Herrian. ©BERRIA
<em>Titanic Rising</em> diskoan abiatutako bidean segitzen du Weyes Blood-ek disko berrian. ©BERRIA

Dirdira iluntasunean

Mikel Lizarralde

Folkaren eta pop barrokoaren artean mugitzen diren kantuen bitartez, Weyes Bloodek gaur egungo ajeetan arakatu du 'And In The Darkness, Hearts Aglow' diskoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.