Albistea entzun

Batzarre, IU-NEB eta Ahal Dugu elkarrekin aurkeztuko dira

Independente talde batek ere bat egingo du egitasmoarekin. Gaur aurkeztuko dute hiru indar politikoen arteko aurreakordioa
Ahal Dugu-ko Mikel Buil, Ezkerrako Marisa de Simonekin hizketan.
Ahal Dugu-ko Mikel Buil, Ezkerrako Marisa de Simonekin hizketan. I. URIZ / FOKU Tamaina handiagoan ikusi

Gotzon Hermosilla -

2022ko ekainak 11

Ahal Dugu, Batzarre eta Nafarroako Ezker Batua elkarrekin aurkeztuko dira 2023an egitekoak diren foru hauteskundeetara, eta independente talde batek ere bat egingo du koalizioarekin. Hiru indar politikoek bozetara elkarrekin aurkezteko aurreakordio bat izenpetu dute, eta gaur agerraldia egingo dute horren nondik norakoak azaltzeko.

Ezkerreko hiru indar politikoek hilabeteak daramatzate gogoeta egiten Nafarroako Parlamenturako hauteskundeetara elkarrekin aurkezteko aukeraz. Gogoeta eta eztabaida horien emaitza da gaur aurkeztuko den aurreakordioa.

2019an egindako hauteskundeetan, Batzarre eta IU-NEB elkarrekin aurkeztu ziren, Ezkerra koalizioan, eta Ahal Dugu, berriz, bere kasa aurkeztu zen. Ahal Dugu-k bi parlamentari lortu zituen, eta Ezkerrak, bakarra. Biek ala biek jaitsiera nabarmena izan zuten emaitzetan, aurreko hauteskundeekin alderatuta: Ahal Dugu-k bost parlamentari galdu zituen, eta Ezkerrak, berriz, parlamentari bat. Elkarrekin aurkeztuta, datorren urteko bozetan galera horri aurre egiteko asmoa dute.

Independenteek akuilatuta

Independenteek zeresan handia izan dute prozesuan. Joan den martxoan, ezkerreko independente talde batek agerraldia egin zuen, eta hiru indar politikoak elkarrekin aurkeztea proposatu zuten. Talde horretan daude Miguel Laparra NUPeko irakasle eta Nafarroako Gobernuko lehendakariorde izandakoa, Marisol de la Nava gizarte mugimenduetako ekintzailea, Paco Roda idazle eta kazetaria, Mikel Mayayo Zangozako Talde Progresistako zinegotzia eta Maria Jose Perez Ilzarbe NUPeko irakaslea, besteak beste.

Agerraldi hartan, Nafarroako progresista independenteen proiektu politikoa izeneko manifestua aurkeztu zuten, eta «hausnarketarako gune bat» proposatu zuten Nafarroan «ezker berde, feminista eta eraldatzaile bat» osatzeko.

Orduan iragarri zuten Ahal Dugu-rekin, Batzarrerekin eta IU-NEBrekin hizketan ari zirela, hauteskundetara elkarrekin aurkezteko aukeraz eztabaidatzeko; independenteek koalizio horren «laugarren hanka» izateko borondatea agertu zuten. Nafarroaren «identitate askotarikoen arteko errespetua», lurraldeen arteko «kohesioa», garapen iraunkorra eta demokrazia parte hartzailea dira independente talde horren oinarri politikoak.

Gaurko agerraldian Nafarroako Ahal Dugu-ko koordinatzaile Begoña Alfarok, IU-NEBko koordinatzaile Carlos Guzmanek eta Batzarreko kide Edurne Eginok parte hartuko dute. Independenteen aldetik Marisol de la Nava egongo da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Sareren manifestazioa Santurtzin, gaur zortzi. ©Aritz Loiola / Foku

Beste sei preso Euskal Herriratuko dituzte

Jon O. Urain

Gainera, beste euskal preso bat lekualdatuko dute Iruñetik Arabako, Bizkaiko edo Gipuzkoako kartzelaren batera.

Lau kideak hil zituzten gunea, Pasai Donibanen. ©Andoni Canellada / Foku

Pasaiako sarraskiko poliziak identifikatzeko saio bat egingo dute

Xabier Martin

Komando Autonomoetako lau kide hil zituzten polizia operazio horretan, eta idenfikazio proba batera deitu du epaileak lekuko bakarra: Joseba Merino. Martxoaren 28an du ordua, Donostiako epaitegietan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...