Albistea entzun

Koronabirusa. OSASUNA PENTSALDIAN

Zer ez dugu ulertu (nahi)?

Felix Zubia - Donostia Ospitaleko ZIUko medikua

2021eko apirilak 25

Koronabirusaren pandemia 1918tik hona izan dugun osasun larrialdirik okerrena da. Mundu mailan bi milioi eta erdi pertsona baino gehiago hil dira; Hego Euskal Herrian, 5.200 baino gehiago. Gure zainketa intentsiboetako unitatean 500 pazientetik gora artatu ditugu, eta ehun inguru hil dira.

Birusaren hedapena esponentziala da, hau da, lehenik igoera txikiak izaten dira, baina maila batera heltzen denean, izugarri biderkatzen da denbora gutxian. Hori dela eta, neurriak hartzeko datuak okertzera itxaroteak ez du zentzurik, izugarrizko triskantza dakarrelako atzetik. Ez dut ulertzen nola itxaroten dugun hamalau eguneko tasa okertzera neurriak hartzeko, igoera datorrela ikusita. Horrela, beti gaitzaren atzetik joango gara. Zortzigarren egunean egoera txarra dela nabarituta, neurriak aurreratu beharko lirateke.

Bide beretik, Euskal Autonomia Erkidegoan ezarri diren larritasun mailak altuegiak dira. Estatuan, hamalau eguneko eta 100.000 biztanleko 150 kasu gainditzean, alarma laranja pizten da, eta 250 kasuak gainditzean, gorria. Euskal Autonomia Erkidegoan, 300 kasutan pizten da alarma laranja, eta 400 kasutan gorria.

Eremu itxietan ematen da birusaren hedapenik handien; 40 aldiz handiagoa da arriskua. Aireztapena eta espazio itxietan ez biltzea dira, musukoekin batera, hartu beharreko neurriak.

Hori horrela, nabarmena da ostalaritzako eremuetan izan litekeen arriskua. Begira azken egunetan hainbat sagardotegi eta ostatuetako bezeroei egin behar izan zaizkien baheketak. Epaileen epaiak epai, arrisku guneak dira, eta denon onagatik itxi behar badira, denon artean eman beharko genieke laguntza.

Ostalaritzan dagoen arrisku bera dago gure etxeetan ere, bizikidetza unitate ezberdinak nahasten baditugu otorduak edo festak egiteko. Neurri hori gure esku dago nagusiki, ezin digutelako etxe bakoitzean polizia bana jarri. Transmisio kateen erantzule gara.

Neurriak behar ditugu, aholkuek ez dutelako balio (zoritxarrez, horrelakoak gara). Eta neurri horiek legearen babesa behar dute; berdin zait estatu edo erkidego mailakoa den. Legerik gabe, galduak gaude.

Txertaketa da hemendik irteteko bide bakarra. Adin batetik aurrera (Erresuma Batuan 30 urtetan jarri dute muga), onura arriskua baino askoz ere handiagoa da. Arriskua izan, bada, baina oso baxua. Ez gaitzatela erakunde zientifikoen babesik gabeko neurriekin zorabiatu.

Kutsatzeen eta hildakoen arduradun gara. Gizarte honek sortzen ditu, eta erantzule gara, hasi gure agintariengandik, eta gutako bakoitzarekin bukatuz. Ez dut itxaropen handirik, baina erakutsi dezagun zein diren gure lehentasunak. Azkenaldian, nahi baino heriotza ziurtagiri gehiago betetzen ari naiz. Hurrengoan, heriotza arrazoia deskribatzean, koronabirusagatiko pneumonia idazteaz gain, gizartearen arduragabekeria idatziko dut.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Urkullu gaur, pleno monografikora sartzen. ©DAVID AGUILAR/EFE

Jaurlaritzak hilean 200 euroko laguntzak emango ditu seme-alaba bakoitzeko, hiru urte bete arte

Jone Arruabarrena

2023. urtean sartuko da indarrean neurria, eta urtean 100.000 euro baino gutxiagoko errenta daukaten familia unitateek jaso ahal izango dute laguntza hori

Sanferminetan, sexu erasoen inguruko arta eta informazioa eskaintzen duen gunea, Iruñeko Gazteluko plazan. ©IÑIGO URIZ / FOKU

Indarkeria matxistaren aurkako udal taldetik atera dira Iruñeko feministak

Ion Orzaiz

Indarkeria Sexistaren Aurkako Emakumeen Plataformak salatu du Navarra Sumak «edukiz hustu» duela sanferminetako kanpaina.

Maria Jesus Montero Ogasun ministroa ©JUAN CARLOS HIDALGO / EFE

Ogasun ministroa konpresen eta tanpoien BEZa jaisteko prest agertu da

Oihane Puertas Ramirez

Aurrekontuen proiektuan negoziatu nahi dute neurria, eta ministroaren arabera, horrela Abortuaren Legean jaso izan balitz baino lehenago sartuko da indarrean. Negoziazioei «laster» ekitea espero du.

Aldak ekintza egin du goizean Baionako suprefeturan, kanpin bat muntatuz. ©Bob Edme

Iruzurrezko alokatze kontratuak ezarri ditu jomugan Aldak

Oihana Teyseyre Koskarat

Baionako suprefetura aitzinean behin-behineko kanpina muntatu dute, alokatzaile andana bat udan etxerik gabe gelditzen dela salatzeko. Prefetari gutun bat helarazi diote, botere publikoek gaiari begirako neurriak har ditzatela galdetzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...