Noiz sortua: 2020-03-26 00:30:00

Koronabirusa. Eneko Astorkiza. 'Maker'-a

«Egunero eskatzen digute ospitaleetatik biserak eramateko»

BERRIA

Irati Urdalleta lete -

2020ko martxoak 26

Maskara eskasia ikusita, hainbat ekoizlek etxean duten 3D inprimagailua hartu, eta egiten hastea erabaki dute. Bisera moduko batzuk ekoizten dituzte, aurpegia tapatzen duen PVC xafla batekin. Espero dute aurki arnasgailu bat egiteko moduan izango direla.

Elkartzea erabaki dute, eta www.covideuskadi.net webgunea sortu, zer material behar duten azaltzeko. Bizkaiko arduraduna da Eneko Astorkiza.

Nola bururatu zitzaizuen maskarak 3D inprimagailuetan egitea?

Duela aste eta erdi hasi ginen prestatzen arnasgailuen eta biseren diseinuak nolakoak diren. Beste hainbat gauza askoz zailagoak dira, iragazkiak-eta dituztelako. Azken finean, diseinu horiek guztion artean balioztatzen eta erabiltzen ditugu. Gipuzkoan, Osakidetzak bisera diseinu bat egin du enpresa batekin, baina Bizkaian eta Araban itxaroten ari gara ea norbaitek Osakidetzatik zuzenean esaten digun diseinu horri heltzeko. Egunero jasotzen ditugu eskaerak ospitale guztietatik biserak emateko.

Zerk bultzatu zaitu?

Nire emazteak ospitale batean egiten du lan, eta betidanik esan izan dugu arazoak dituztela krisi momentuetan hornitzeko. Ikusi nuenean hau egiten ari zirela, esan nien laguntzeko prest nengoela. Guztira, 1.600 pertsona gaude, eta Euskadin 300 bat egile ari dira lanean etxean eta enpresetan.

Oraingoz, biserak egiten dituzue, baina arnasgailuak egiteko asmoa ere badaukazue.

Asturiasko talde bat arnasgailua prestatzen ari da; guk arnasgailu horren kopia antzeko bat daukagu, baina itxaroten ari gara ea frogak amaitu eta aurrera egiten duten, guk ere hala egiteko eta probatzen hasteko. Gutxinaka, gauza gehiago aterako ditugu. Beste hainbat tramankulu ere erabilgarriak dira. Adibidez, eskulekuak ukitu gabe ateak irekitzeko tresna.

Nola egiten dituzue biserak?

Atzo arte, Bizkaian 800-900 egiten ditugu egunero. Inprimagailu bakoitzak 60-90 minutu behar ditu bat egiteko. Orain, itxaroten ari gara enpresek plastikoa emateko, eta egunero 5.000-6.000 egiten has gaitezke. Biserek PVC pantaila gardenak dauzkate, koadernatzeko erabiltzen direnak, 180 mikratik gorakoak, eta horiek falta zaizkigu. Izan ere, egunero bota behar dira. Guk webgunean donazioak egiteko atal bat dago. Ez dugu sekula dirurik onartuko, materiala bakarrik. Biserak egiten jarraitzeko plastikoa, gomak, PVC laminak, lixiba, eskularruak eta halakoak behar ditugu. Arnasgailua aurrera ateratzen denean, osagai elektronikoak eskatzen hasiko gara.

Norbanakoek zein enpresek lagun dezakete?

Jakina baietz. Lurralde bakoitzean desberdin egiten dugu. Bizkaian, esaterako, Nacex, DYA eta taxiak dauzkagu materiala jasotzeko. Zerbait eman nahi badigute, betetzeko galdetegi bat daukagu, eta norbait joango da bere etxera hori jasotzera.

Zer egiten duzue segurtasuna bermatzeko?

Webgunean maker guztiei esaten diegu nola garbitu behar dituzten biserak: eskularruak erabili behar dituztela, maskara, lixibarekin garbitzeko... Egindako guztiak gure biltegira etortzen dira, eta guk nola dauden begiratzen dugu. Ikusten dugunean baten bat ez dagoela ondo, lixibarekin garbitzen dugu. Hala ere, ospitaleei ere esaten diegu beren protokoloei jarraitzeko.

Zuen maskarak ari dira iristen behar dituzten lekuetara?

Bai eta ez. Adibidez, atzo [astelehenean], 1.500 maskara bidali genituen Bizkaiko hainbat ospitaletara: Gurutzetara, Galdakaokora... Larrialdietara bidali genituen,ordea, eta ikusi dugun arazoa da bertan geratu direla, eta ez direla mugitu beste taldeetara. Gaur [atzo] hainbat ospitalerekin hitz egin behar dut hori antolatzeko. Saiatuko gara hurrengo biserak ospitaleetako biltegietara bidaltzen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna