Noiz sortua: 2019-07-18 00:30:00

EAk dio «bideratua» duela zuzendaritzako kideei afiliatu errolda emateko erabakia

Ruiz de Egino bozeramaileak esan du kontu tekniko batzuk konpontzean izango dituztela sarbiderako gakoak. Kuota ordaintzen ez dutenen errolda «eguneratzen» ere ari dira

Enekoitz Esnaola -

2019ko uztailak 18

EAko barne krisiko oinarrizko arazoa ez da afiliatuen datu basearen afera, baina oraintxe hor dute gatazka, eta «larria» da egoera, alderdiko ildo kritikoak herenegun esan zuenez. EAko zuzendaritzaren ustez, «gehiegizkoak» izan ziren kritikak, eta tonua ere ez zitzaion gustatu. Horrez gain, Iker Ruiz de Egino EAko bozeramaileak BERRIAri azaldu dio «bideratua» dutela zuzendaritzako kideak afiliatuen datu basera sartzeko prozedura, eta kontu tekniko batzuk konpontzea besterik ez dela falta. Kuota ordaintzetik salbuetsitako afiliatuen zerrenda «eguneratzen» ari direla ere esan du Ruiz de Eginok, eta, eperik zehaztu ez duen arren, idazkari nagusi berria hautatzerako egongo dela errolda berritua. Ildo kritikoak dio astearteko bere prentsaurrekotik ez dagoela berritasunik. Egoera horretan helduko lirateke, beraz, biharko ezohiko batzar nazionalera.

EAko Berme Batzordeak joan den martxoaren 11n ebatzi zuen zuzendaritzakideek afiliatuen erroldaren berri izateko aukera izan behar dutela, eta Ruiz de Eginok dio hori betetzen ari dela zuzendaritza, baina gaineratu du iazko urrian hasi zirela zerrenda egokitzen, betiere datuen babeserako legea jarraituta. «Zergatik ez dira oraindik eman datu baserako sarbidea izateko gakoak? Legea errespetatu egin behar delako, eta afiliatuei baimena eskatu behar zaie aurrez. Horrek denbora eskatzen du. Beraz, baimenak jaso eta egokitzapenak egin artean Antolakuntza idazkariak baino ez ditu izango gako horiek; ondoren, zuzendaritzakide guztiek, eta hori badakite prentsaurrekoa eman dutenek». Miren Aranoa EAren Nafarroako koordinatzaileak, Iratxe Lopez de Aberasturi Arabakoak eta Mikel Goenaga Gipuzkoakoak egin zuten agerraldia herenegun, Donostian, EAko egoitzan, eta adierazi zuten zuzendaritza afiliatuen datuak «ukatzen eta ezkutatzen» ari zaiela.

Ruiz de Egino eledunak «segurtasun» kontuak ere aipatu ditu, «bermatu egin behar delako datuek ezin dutela ihes egin». Halaber, ohartarazi du errolda «barne lanerako» dela, «ez primarioen fasean erabilpen bat egiteko». Ildo kritikoak errefusatu egin du ustez berari buruz dagoen susmo hori.

Lurraldeetako koordinatzaileek badute tokiko afiliatuen datu baserako sarbidea; baina, oraingoz, Euskal Herri osokorako ez. Ildo kritikoak afliatu bakoitzaren datu guztiak nahi ditu, kontu korronteko gako batzuk barne, baina eragozpenak egon daitezke informazio guztia lortu ahal izateko. Egun zuzendaritzan, Ruiz de Eginok gogoratu duenez, Antolakuntza eta Finantza idazkariak du informazio osoa —Mariano Alava da arduraduna—, eta Komunikaziokoak —Iria Epalzak—, partziala. Kritikoek uste dute kide gehiagok duela datu baserako sarbidea.

Bozkatuko dena

Duela bi urteko ohiko biltzar nagusian EAk erabaki zuen kuota ordaintzen ez duten afiliatuen zerrenda aztertzea eta eguneratzen hastea —kuota pagatzeko diru sarrera nahikorik ez dutenek badute afiliatu izateko aukera, barne araudiak jasoa duenez—, eta, bozeramailearen esanetan, horretan segitzen dute lurralde guztietan. Herenegun ildo kritikoak Bizkaiko zerrenda hori puztuta ote dagoen susmoa agertu izana deitoratu du Ruiz de Eginok, «kontrasterik egin gabe esan dutelako hori, eta ezjakintasuna erakutsi dute». «Arduragabekeriaz» jokatzea egotzi die Aranoari, Lopez de Aberasturiri eta Goenagari; «badirudi min emateko asmoa dutela».

Halaber, ildo ofizialari ez zaio gustatu kritikoek lotzea haiek ekainaren 20an Pello Urizar idazkari nagusiari auzitara jotzeko asmoa agertu ondoren honek berehala dimisioa aurkeztu izana. Ruiz de Egino: «Urizar ezagutzen ez duten seinale da. Hamar urte egin ditu idazkari nagusi gisa, EA hartu zuen moduan hartu zuen, ardura handiz jokatu du beti, eta lehendik erabakita zeukan orain uztea».

Bihar 19:00etan hasiko da EAren ezohiko batzar nazionala —kongresu arteko organu gorena da—, Gasteizen. Zuzendaritzak dio ordezkariak informatuko dituela, eta, «ohi bezala», batzarkideek proposatutakoa bozkatuko dela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Ertzaintzaren kontrol bat, Kantabriako (Espainia) mugan. ©Aritz Loiola / Foku

Beste hiru pertsona hil dira COVID-19ak jota

Berria

Hamalau pertsonak eman dute positibo Hego Euskal Herrian PCR proban. Ez dute inor ospitaleratu, eta pertsona bat atera dute zainketa intentsiboen unitatetik.

Herritarrak paseoan, Donostiako Ondarreta hondartzaren ondoan. ©JON URBE / FOKU

Hirugarren fasera igaroko da Hego Euskal Herri guztia

Ainhoa Larretxea Agirre

Hirugarren fasetik aitzinera, autonomia erkidegoetako lehendakariek izango dute erabakiak hartzeko eskumena. Alarma egoera bukatu arte, etenda egongo dira Nafarroaren eta EAEren arteko joan-etorriak. Nafarroan elkarte gastronomikoak irekiko dituzte, baina tabernetako barrek itxita jarraituko dute. Jaurlaritzak bihar emango ditu hirugarren faseari buruzko azalpenak.

Arroabeko haur eskola, artxiboko irudi batean ©urola kostako hitza

Partzuergoko haur eskolak ekainaren 22an irekiko dituztela jakinarazi diete sindikatuei

Irati Urdalleta Lete

LABek plantorako deia egingo du, «prebentzio plan egokia» adostu ezean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna