Koronabirusa

Sendotzen ari da beheranzko joera: 1.092 kasu zenbatu dira Hegoaldean

Ostegunean egindako testen %6,5k eman dute positibo. 858 lagun daude erietxeratuta Hego Euskal Herrian; horietatik 185, ZIUetan
PCR probak Ordizian, artxiboko irudi batean.
PCR probak Ordizian, artxiboko irudi batean. GORKA RUBIO / FOKU Tamaina handiagoan ikusi

Uxue Rey Gorraiz -

2020ko azaroak 21

COVID-19a atzemateko 16.761 test egin ziren herenegun Hegoaldean, eta 1.092 kasu zenbatu zituzten horietan; hau da, joan den egunean baino 115 gutxiago.

Hego Euskal Herriko kutsatzeen datuak lurraldeka aztertuta, Bizkaian izan zen positibo gehien: 412 zenbatu zituzten ostegunean egindako testetan. Gipuzkoan 407 positibo atzeman zituen Osakidetzak. Araban 109 detektatu zituzten, eta Nafarroan, aldiz, 157 kasu erregistratu zituzten. Hori aintzat harturik, foru erkidegoko kasuen hazkundearen moteltzea egonkortzen ari dela erakusten dute datuek; izan ere, igandetik, egun bakarrean atzemandako positibo kopuruak ez du inoiz gainditu 200 kasuen langa.

Ostegunean egindako PCR probak eta antigeno testak kontuan izanik, azken datuen arabera, Osakidetzak egindako testen %6,45ek eman zuten positibo. Nafarroan egindako proben kasuan, %6,6koa izan zen positiboen portzentajea herenegun.

Ospitaleen egoerari dagokionez, Osakidetzak eta Osasunbideak jakinarazi dute 72 pertsona erietxeratu zituztela herenegun Hegoaldean. Azken datuen arabera, oraintxe bertan guztira 858 lagun daude ospitaleratuta gaitzarengatik. Horietatik 673 gela arruntetan daude, eta 185, berriz, ZIUetan.

Gainera, Nafarroako Gobernuak jakinarazi duenez, beste bost pertsona hil dira foru erkidegoan birusaren sintomak zituztela. Zehazki, horietako bat herenegun zendu zen; gainerakoak, berriz, aurreko egunetan.

Gabon «guztiz» ezberdinak

Datozen asteetan pandemiak izan dezakeen bilakaeraz mintzatu da berriki Iñigo Urkullu Eusko Jaurlaritzako lehendakaria elkarrizketa batean. Urkulluk onartu du izurriaren kontrako neurriek estu zedarrituta jarraitu beharko dutela Eguberriotan bizi ohiturek, eta, beraz, esan du gabonak «guztiz» desberdinak izanen direla, aurreko urteen aldean.

Lehendakariak adierazi du gertu-gertuko harremanetarako sei pertsonako taldeak aukeratzea komeni dela, eta izurria gelditzeko murrizketez esan du herritarren «diziplinak» gora egiten duen neurrian, «muturreko neurria» saihesteko aukera handiagoa dagoela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iragan astean zabaldu zituzten tabernetako terrazak Nafarroan, eta jendetza bildu da. ©IÑIGO URIZ / FOKU

Kasuen jatorria argitzen

Ion Orzaiz

Eusko Jaurlaritzak adierazi du COVID-19aren transmisioa komunitarioa denean «ezinezkoa» dela jakitea jendea non kutsatu den. Nafarroan, ordea, astero ematen dituzte datu horiek. Adituek nabarmendu dute azterketa zehatzagoak behar direla.

Gaikako hiztegia | Sexuari buruzko esamoldeak

Sexuari buruzko esamoldeak

Berria

Nola ez, sexuaz ere hitz egin daiteke euskaraz. Hala, hemendik aurrera erabil ditzakezun hainbat esamolde zerrendatu ditu BERRIAk. Izan ere, ba al dakizu zer den tipula zuritzea? Eta partxisean jokatzea?

Espero da Europak abenduaren 29an eta urtarrilaren 12an onestea lehen bi txertoak

Espero da Europak abenduaren 29an eta urtarrilaren 12an onestea lehen bi txertoak

Arantxa Iraola

Europako Botiken Agentziak onartu du data horiek atzeratu egin daitezkeela; onespenak «baldintzapekoak» izango direla ere esan du

Laborategiko langile bat, antigeno probak aztertzen. ©GORKA RUBIO / FOKU

Positibo tasa %5,4 da Hego Euskal Herrian

Ion Orzaiz

Osasunbideak eta Osakidetzak 553 positibo atzeman zituzten atzo, 10.145 PCR eta antigeno proba egin ostean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.