Albistea entzun

Musika. BI AHOTSETARA

Hatxe

Ilargi Agirre -

2018ko ekainak 3

Musika edo estilo jakin batzuk norberaren umorearen eta aldartearen arabera sartzen dira ongi. Nik baditut disko batzuk beti egun ona dudanean entzutea gustatzen zaidanak, eta aldiz, beste batzuk une tristeetarako gordeta izaten ditudanak. Baina badira edozein momentutan mesede egiten dizuten musika proposamenak ere. Azken asteetan deskubritu dudan proiektua sailkapen horren barruan sartuko nuke. Hatxe izena du Idoia Hernandez musikari oiartzuarraren proiektuak. Pianoz osatutako abestiekin Lehena diskoa kaleratu zuen iazko udan, eta, geroztik, hainbat zuzeneko eman ditu.

Joan den asteburuan izan genuen aukera bertatik bertara ezagutzeko Donostiako Dabadabara agertu ginenok, Ainara LeGardonen aurretik jo baitzuen Hatxek. Hirukote gisara igo ziren taula gainera. Hernandez bera pianoan, Peru Galbete ahotsarekin eta Inner Galaktik artista lientzo zuria aurrean zuela. Musika klasiko garaikideko piezak aurkeztu zizkigun Hernandezek, Peru Galbeteren ahots berezi eta hunkigarriaz lagunduta, eta, bitartean, Inner Galaktik artistak zuzenean pintatu zuen. Galbeteren abestiak ere tartekatu zituzten errepertorioan, gitarrarekin bakarlari bezala ere ibiltzen baita Peru eta Voces de la selva diskoak ditu, hain zuzen ere-.

Piano desafinatu batean sortutako abestiak dira Hatxerenak. Musikariak behin Euskadi Irratiko Arratsean saioan kontatu zuenez, instrumentua batere jo gabe denboraldi bat pasatu eta gero, Errenteriako Mikelazulo kultur elkartean zerbitzari gisa hasi zen lanean, eta, bakarrik zegoen uneetan, hango piano zahar eta desafinatuan denbora-pasa gisa sortutako ideiak abesti bihurtu ziren denborarekin.

Hatxe eta Peru Galbete orain gutxi sortutako Mukuru kolektiboko partaide dira, beste bederatzi talderekin batera. Musika industria hegemonikoari alternatiba bat eskaintzeko gogoarekin jaio da egitasmoa, eta, beste hainbat helbururen artean, musikarien arteko harremanetan sakondu nahi dute. Pozgarriak dira halako albisteak, inondik ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maria Elorzaren eta Iñigo Salaberriaren 'Al borde del agua' filmeko irudi bat. ©Ikuspuntu jaialdia

Hamalau herrialdetako hemezortzi film, Ikuspuntu jaialdiko Sail Ofizialean

Andoni Imaz

Hamar film luzerekin eta zortzi laburrekin osatu dituzte lehiaketako hamar programak. Sei lan lehenengoz erakutsiko dituzte jendaurrean.

Annie Ernaux idazlea, 2022an, Nobel saria jasotzen. ©Christine Olsson/EFE

Gema Lopez Las Herasek irabazi du Zaitegi saria

Berria

Annie Ernaux idazlearen 'La femme gelée' itzuliko du euskarara

Noaingo Faktoria zentro koreografikoko ikasleak. Beltzez, Laura Armendariz irakaslea. ©Iñigo Uriz / FOKU

Dantzaren nazioarteko mapan

Edurne Elizondo - Nafarroako Hitza

Noaingo Faktorian lanean ari da, irailetik, zentro koreografiko horretako ikasleen bosgarren belaunaldia. Marta Coronadok, Laida Aldazek eta Carmen Larrazek jarri zuten proiektua martxan, 2019an, herrialdeko dantza garaikideari astindu bat emateko. Pedagogia eta sorkuntza dituzte ikur.

Sormene jaialdiko mahai inguruetako bat, iaz. ©SORMENE

Apirilaren 27tik 30era itzuliko da Udaberriko Sormene

Olatz Enzunza Mallona

Euskal kulturaren transmisioan eragiteko asmoz, euskarazko hamaika kultur emanaldi eskainiko ditu aurten ere Sormene jaialdiak, Galdakaon (Bizkaia).

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.