Albistea entzun

Madrilekin negoziatzean «tinko» aritzeko eskatu dio Geroa Baik PSNri

Hamargarren urteurrena ospatzeko ekitaldian, «euskaldunak baztertzen dituzten politikak amaitzearen alde» apustu egin dutela aldarrikatu du
<b>Bixente Serrano Izko zena gogoan izan zuten atzoko ekitaldian. Irudian, Koldo Martinez harmailan, txaloka.</b>
Bixente Serrano Izko zena gogoan izan zuten atzoko ekitaldian. Irudian, Koldo Martinez harmailan, txaloka. IÑIGO URIZ / FOKU Tamaina handiagoan ikusi

Joxerra Senar -

2021eko azaroak 21 - Iruñea

Koalizioa osatu zeneko hamargarren urteurrena ospatu zuen Geroa Baik atzo, Iruñeko Baluarte jauregian. Uxue Barkos eledunak aipatu zuen hamar urte horietan elkarrizketaren aldeko apustua egin dutela, eta, «anbizioarekin, kontsentsurako ahalmena» erakutsi dutela. Haren irudiko, jarrera hori ezinbestekoa da autogobernuaren defentsan. Madrilen aurrean «tinko aritzeko» eskatu dio gobernuko bazkide PSNri, hala Hitzarmen Ekonomikoko ekarpenaren kalkulua nola Europako funtsak negoziatzeko.

Barkosek atzo nabarmendu zuen koalizioa are indartsuago egitea dutela helburu, baina onartu zuen orain arteko ibilbidea motza dela: «Hamar urte ez dira asko indar politiko baten historian, baina ezin dezakete askok esan demokratikoki eragiteko erakutsi dugun ahalmena izan dutela». Aurreko legealdian «benetan gobernu aurrerakoi eta plural bat» osatu zela azaldu zuen, eta «aldaketak» aurrera jarraitzen duela uste duela, «gorabehera batzuekin bada ere». Euskararen arloan pausoak eman direla esan zuen, nahiz eta batzuek konfrontazioa «zatitzeko» erabili. Alderantziz, Barkosek uste du «baztertuak euskaldunak» direla, eta politika horiek amaitzearen aldeko apustua berretsi zuen atzo. Unai Hualde Napar Buru Batzarreko presidentearen ustez, Geroa Baik «aldaketa tinko eta iraunkorra» ordezkatzen du, eta EAJk haren alde egiten duela ziurtatu zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

KONTRAPISUAK DUEN PISUA

Iosu Alberdi

Mendeetako eztabaida da, azkenaldian sarri loratu dena: botere judizialak zenbateraino betetzen duen exekutiboaren eta legegilearen kontrolatzaile rola, eta noiz igarotzen duen herri borondatea ordezkatzearen muga. Adituek beharrezkotzat jotzen dute erakunde publikoen kontrola, baina baita «oreka» ere.
Bilbon udaletxe aurrean amaitu zen atzo GKSren manifestazioa. ©OSKAR MATXIN EDESA / FOKU

Langileak «subjektu politiko independente» moduan egituratzera deitu du GKSk

Maite Asensio Lozano

Manifestazio jendetsuak egin ditu Gazte Koordinakunde Sozialistak Bilbon eta Iruñean. «Bankariak eta enpresari handiak» jo dituzte pobretzearen erruduntzat

GKSk manifestazio jendetsuak egin ditu Bilbon eta Iruñean

GKSk manifestazio jendetsuak egin ditu Bilbon eta Iruñean

Berria

'Enpresarien eta agintarien erasoaldiaren aurrean, gazte langileok borrokara!' lelopean, langileak «subjektu politiko independente» moduan egituratzera deitu du Gazte Koordinakunde Sozialistak

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.