Noiz sortua: 2019-12-31 00:30:00

KRITIKA. Antzerkia

Hamabost urte geroago

Plazaola eta Garmendia dira antzezlaneko protagonistak.
Plazaola eta Garmendia dira antzezlaneko protagonistak. GOIERRIKO HITZA Tamaina handiagoan ikusi

Agus Perez -

2019ko abenduak 31

'Moko zorrotza'

Ekoizleak: Txalo eta Pentacion. Egilea: Carles Alberola. Euskaratzea: Martin Agirre. Zuzendaritza: Mario Hernandez. Eszenografia: Isis de Coura. Antzezleak: Aitziber Garmendia, Jon Plazaola. Lekua: Donostiako Antzoki Zaharra. Eguna: Abenduak 28.

Elkar ezagutu eta hamabost urte geroago esango dio Laurak Juani aspalditik maite duela. Eta gauza bera deklaratu dio Juanek Laurari, bien bizitzek buelta asko eman ostean. Hala ere, gauzak ez dira hasiera batean ziruditen bezain errazak izango.

Ikusten denez, komedia erromantiko baten aurrean gaude. Eta horrela izanik, erraz ulertuko dugu leihatilan «sarrerak agortuta» zekarren karteltxoa. Eguberri egunetan gaude, urtea amaitzear dugu eta datorrenak ez digu zorion-promes sinesgarririk ekarri: goza dezagun, beraz, mundua mundu denetik gehien maite dugun gaiarekin. Bizileku itxurako ganbaran bi gazte aurkituko ditugu, edo gazte izandako bi —gurekin konparatuta, seguru—, eta bien arteko amodio-kontu korapilatsuek gure aurrean desfilatuko dute, komedia arinaren parametroetan errotuta, hau da, «ni beste horrekin ezkonduko naiz, baina benetan zu maite zaitut» dioen eskematik irten gabe.

Carles Alberola (Alzira, Herrialde Katalanak, 1964) gidoilari trebea da telebistarako produktuak sortzen, eta orain Moko zorrotza izenarekin datorkiguna Mandíbula afilada deitu zen duela hogei urte sortu zenean. Argumentua ikusita, ordea, oraindik ez dakit zer dela-eta jarri zioten deitura hori, baina tira, beharbada elkarrizketen zorroztasunari egiten dio erreferentzia. Eta bai, oso solasaldi mamitsuak mantentzen dituzte antzezlaneko bi protagonistek, bizi handikoak une oro, gatz eta piperrez beteak beren funtsezko bizi-hutsalkerietan, eta beharbada horrexegatik egiten zaizkigu hain erakargarriak, haiengan ikusten dugulako geure zalantza existentzialak behintzat askoz potoloagoak izaten direla.

Erlaxatu gaitezen, beraz, hain kontu txikiengatik kezkatzen diren bi gazte horien kontura.

Eszenaratzeari begira, albo batera utziko ditugu dekorazioaren diseinu naturalista eta haren akats estrategiko nabarmenak —plastikozko leihoa eta paperezko ortzia, ganbarako atearen erabilera inkoherentea...—, eta gehiago zentratuko gara Aitziber Garmendia eta Jon Plazaolaren gaitasun eszenikoan, bien artean egundoko bikote eszenikoa osatu dutelako. Bien antzezpenetan argi geratu da sano gozatu dutela esku artean zuten komediaren balioekin; beren gorputz-lengoaiak asko aberastu du komediaren tonua eta hutsik egin gabe eutsi diote antzezlanaren mamiari, amodioaren kontu barregarriei punta ateratzen eta ikusleak beren ohiko kezketatik konplexurik gabe aldentzen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Herritarrak paseoan, konfinamendua arintzeko lehen fasean ©Jon Urbe / Foku

Beste hamalau positibo eta hiru hildako jakinarazi dituzte Hego Euskal Herrian

Irati Urdalleta Lete

Murgak iragarri du neurriak areagotzea pentsatzen ari direla azken egunetan festa giroan ikusi diren jende pilaketak «mantenduz eta orokortuz» gero.

Irungo bizilagun batek grabatutako bideoaren irudi bat. ©

Santano: «Asteartean gertatutakoa salbuespena izan da, eta, zoritxarrez, irudi mediatiko bilakatu da»

Bidasoko Hitza

Ekainaren 30ean Irungo Legia kaleko hiru tabernetan gertatutakoaren gainean aritu berri da Jose Antonio Santano alkatea. Ehunka lagunek bete zuten kalea, inongo distantzia eta maskararik gabe, eta tokian bertan grabatutako bideo batek hautsak harrotu ditu.
Irungo bizilagun batek grabatutako bideoaren irudi bat.

Produktibitatea

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna