Albistea entzun

Koronabirusa. ZIENTZIA PENTSALDIAN

Oraindik ere aldeko balantzea

Gorka Orive - Zientzialaria eta EHUko Farmazia irakasle titularra

2021eko apirilak 10

Kezkatzen nau Europako Batasunaren irizpide batasunik ezak AstraZenecaren txertoa emateko jarraibideei dagokienean, eta kezkatzen nau txerto horren inguruan sortzen ari den sinesgarritasun galerak. Txertoari buruz dudan iritzia ez da aldatu azken 24-48 orduetan. Txerto segurua eta eraginkorra da, eta, hain zuzen, Sendagaien Europako Agentziaren eta Erresuma Batuko Sendagaien Agentziaren azken ebidentziek eta adierazpenek iradokitzen dute erregistratutako tronboak txerto adenobiralaren ondorio oso ezohikoa izan daitezkeela.

AstraZenecaren txertoaren arrisku-onura erlazioari erreparatuta (Erresuma Batuko datuak), oso agerikoa da aldeko balantzea 40 urtetik gorakoen artean, eta, beharbada, zertxobait txikiagoa, baina oraindik aldekoa 30 urtetik beherakoen artean. Horregatik, Erresuma Batuak ez die txertoa jarriko adin horretatik beherakoei, eta beste txerto bat erabiltzeko aukera emango die.

Oso ezohikoak diren kontrako efektuak ia medikamentu eta txerto guztietan agertzen dira. Egungo sentikortasun egoeran prospektuak zehatz-mehatz irakurriko bagenitu, ia sendagai guztiak susmopean egongo lirateke. Zuhurtasun printzipioa garrantzitsua da, jakina, baina ebidentzia zientifikoen mende egon behar du, eta Europako sendagaiak arautzen dituen organo gorenaren orientazioa eta gobernantza errespetatu behar ditu. Europako egungo egoera kaotikoa da. Herrialde bakoitzak bere arauak jarri ditu txertoa erabiltzerakoan. Autonomia erkidegoek ere EMAren gainetik hartzen dituzte osasun erabakiak. Herritarrek ebidentziak, argitasuna eta adostutako akordioak behar dituzte. Ezin dugu ahaztu birusaren eta COVID-19aren aurkako antidoto nagusia txertoa jartzea dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Marifran Aranjuelo. / ©Maialen Andres, Foku

«Gezur asko esan dizkigute metroari buruz»

Unai Zubeldia - Gipuzkoako Hitza

Donostiako metroaren aurkako borrokak eta migratzaileen eta presoen aldekoak bizi dute, gaur egun, Aranjuelo. Ez zaio batere gustatu Donostiak azken urteotan izan duen eraldaketa.

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira

Miren Basaras. / ©Aritz Loiola, Foku

«Pandemiak loa galarazi dit niri ere»

Ibai Maruri Bilbao - Bizkaiko Hitza

Miren Basarasek esan du txertoak «oso onak» izan arren, transmisioa eteteko neurriak ezinbestekoak direla. Uste du askatasunaren izenean txertoari uko egiten diotenak «berekoiak» direla.

Otxarkoagako bizilagunak, protesta batean, asteartean. / ©Aritz Loiola, Foku

Betiko zerbitzua gura dute Otxarkoagan

Ibai Maruri Bilbao, Bizkaiko Hitza

Kutxabankek astean egun bitara murriztu du Bilboko Otxarkoaga auzoan dagoen bulego bakarreko leihatila zerbitzua. Bizilagunek protestak hasi dituzte. Bankuek, oro har, Bizkaian, bulegoen %45 itxi dituzte azken hamabi urteetan. Kutxabankek dio erabilera gutxitu delako hartu dutela erabakia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.