Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Tokio 2020. KEN ZAZPI [ORDU]

Eta bihartik aurrera zer?

Ainara Arratibel Gascon -

2021eko abuztuak 8

Oso olinpiarzalea den ezagun batek idatzi dit. Mezuan hauxe dio: «Eta bihartik aurrera zer?». Kirolzale askok hutsune bat sentituko dute bihartik aurrera. Telebista piztu, eta akabo. Ez dago Olinpiar Jokorik. Bi asteko betekada amaitu da.

Horrek hausnarketa batera eramaten nau, kirolen ikusgarritasunaren inguruan. Bihartik aurrera badmintonaz, karateaz, waterpoloaz eta beste dozenaka kirolez hitz egiteari utziko diogu. Anonimotasunera bueltatuko dira. Eta berriro ere futbola izango da menuko plater ia bakarra, egunkarietako orri eta telebistetako eta irratietako minutu ia guztiak hartuko dituena. Eta pena da. Izan ere, zale zein kirol kazetariok gozatua hartu dugu beste kirolak ikusten: gimnastika, atletismoa, judoa...

Leku gehiago eman beharko genieke kirol horiei, eta ez soilik arreta jarri Olinpiar Jokoetan. Atletismoan dago horren adibide argiena. A zer-nolako ikuskizuna egon den olinpiar estadioan. Eta hori ziurrenik urte osoan izaten diren proba eta txapelketetan gertatuko da. Baina ez dugu horretaz gozatzeko aukerarik. Eta egunkarietan labur txiki bat ematen zaie.

Bestalde, kirol horietan sekulako ibilbidea duten kirolariak daude, baina apenas ezagutzen direnak. Horietako askok, kirol mailan ez ezik, pertsona moduan ere istorio oso aberasgarriak dituzte. Ahots horiek are aberasgarriago egingo lukete kirol mundua, eta horren inguruan dauden aurreiritzi asko ahazteko balio beharko lukete. Izan ere, dena ez da futbolarien erantzun aspergarria eta haien inguruan dagoen dirua. Oraingo olinpiar zikloa motzagoa izango da, hiru urtekoa. Egin dezagun hedabideok laburragoa, kirol eta kirolari horiek ahotsa ematen, eta zaleen hutsunea gutxitzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Athleticeko atezain Unai Simon baloi bat aldentzen, aurreko sasoiko partidan. ©JUANJO MARTIN / EFE

Sufritzeari etekina atera

Haritz Gallastegi

Athleticek ligako partida jokatuko du gaur Real Madrilen zelaian. Zuri-gorriek bost partida daramatzate irabazi gabe. Agirrezabala eta Paredes deialdian dira
 ©JUAN CARLOS RUIZ / FOKU

«Jokoen osteko munduko txapelketetan ezusteak egon ohi dira»

Ainara Arratibel Gascon

Gaur hasiko da Eskubaloiko Munduko Txapelketa. Imanol Alvarez lehen aldiz arituko da Espainiako selekzioko entrenatzaile laguntzaile. Maitane Etxeberria eta Ainhoa Etxeberria jokalariak ere lehian izango dira.
 ©MONIKA DEL VALLE / @FOKU

Irabazi edo larri geratu

Julen Etxeberria

Gaur etxean Flammes Carolori irabaziz gero, Gernikak aurrera egingo du Eurokopan. Galduz gero, beste emaitzen mende geratuko da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.