Albistea entzun
Emakumeen aurkako indarkeriari ez
Emakumeen aurkako indarkeriari ez

Donostiako 60. Zinemaldia. Analisia

Sustorik gabe

Gontzal Agote -

2012ko irailak 30

Aspaldiko partez ez da ezusterik izan Sail Ofizialeko palmaresean, eta hori da beharbada 60. edizioak utzi duen emaitzarik nabarmenetakoa.

Ikusitakoak ikusita eta filmek izan zuten harrera ezagututa, nahiko argi zegoen bi faborito nagusi zeudela aurtengo edizioan: François Ozonen Dans la Maison eta Pablo Berger bilbotarraren Blancanieves. Azken horrek gainera lobby espainiarraren babes osoa izan du hasieratik.

Aspaldiko partez, kinielek asmatu egin dute, eta epaimahaiak bat egin du iritzi nagusiarekin. Ozonen jostailu metaliterarioak eraman du sari nagusia; Bergeren apustu mutua zilarrezko dominarekin konformatu behar izan da. Zinema espainiarrak aurten eman duen maila onak merezitako isla izan du beste bi sari garrantzitsuetan, Fernando Truebak eta Jose Sacristanek jaso dituztenak. Horrela, ia denak kontent.

Epaimahaiak batera eta bestera banatu ditu sariak. Ez zuen erraza erabakia eta azkenean zazpi izan dira saririk edo aipamenik jaso dituzten pelikulak. Deigarria da, baina, zerrenda luze horretan Costa Gavras zuzendariaren Le capital film bikainak lekurik ez izatea.

Azken urteekin alderatuta, maila hobea eman du aurtengo Sail Ofizialak, bi salbuespen nabarmenekin. Oro har, arrisku gutxiko pelikulak izan dira Sail Ofizialean ikusi ditugun ia guztiak; kalitatean majo baina berrikuntza gutxi. Zuzendari konsagratu samarrak izan dira nagusi, eta horiek eskarmentua eta ofizioa ekarri dute, baina freskotasun apur bat falta izan zaio pelikula sortari.

Eta beste behin ere, euskal zinemak bere zinemaldia urrutitik ikusi behar izan du. Zabaltegin eta Zinemiran izan dira Euskal Herrian ekoitzitako film batzuk, ez denak, baina nonbait aurten ere maila nahikorik ez da izan urrezko maskorraren lehian sartu ahal izateko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nerea Ibarzabal kantuan, bertsokideak atzean dituela. ©BOB EDME

Lehoiaren ahoan sartu du burua

Miren Mujika Telleria

Nerea Ibarzabalek irabazi du Baionako saioa, eta, lehen itzuliko puntuak batuta, ia ziurtatua du Iruñerako sailkatzea. Datorren astean argituko da nortzuk ariko diren finalean
Michael Jacksonek 24 urte zituen <em>Thriller</em> kaleratu zuenean. ©BERRIA

Pop musika irauli zuen diskoa

Mikel Lizarralde

1982an argitaratu zuen Michael Jacksonek 'Thriller', eta, 40 urte geroago, historian gehien saldutako diskoen artean segitzeaz gain, kantariaren obra nagusia da. Hainbat bitxikeriarekin berrargitaratu berri dute.
'Bilketa.eus' atariko pantaila irudi batzuk ©BERRIA

Artxiboetan barna sartzeko

Iñaki Etxeleku - Ipar Euskal Herriko Hitza

Baionako mediatekak zutik eman 'Bilketa.eus' ataria berritu dute. 26.000 dokumentu biltzen ditu digitalizaturik, eta ikerketa bide berriak eskaintzen ditu. Bilatu nahi den hitz oro kausi daiteke edozein dokumentutan. Liburu zaharrak, ikonografiak, prentsa zaharra… denetarik atzeman daiteke.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...