Albistea entzun

Koronabirusa. Gorka Orive. Farmazia irakaslea

«Kasuen jarraipen sistemak gainezka egin dezake»

RAUL BOGAJO / FOKU Tamaina handiagoan ikusi

Maddi Ane Txoperena Iribarren -

2020ko abuztuak 8

Datuen bilakaerarekin «kezkatuta eta harrituta» dago Gorka Orive (1976, Gasteiz). Argi utzi du ez dela epidemiologoa, baina agerraldien jarraipena egitea gero eta zailagoa izanen delakoan dago.

Kasu positiboak gora doaz, Bizkaian bereziki. Nola ikusten duzu egoera?

Joera kezkagarria da. Kezkatuta eta harrituta nago: nahiz eta agerraldiak egongo zirela ziurra izan, hainbestekoak izatea ez nuen espero. Datu hauek apirilean izan genituenen oso antzekoak dira.

Kasuen jarraipen sistema monitorizatzeko mugara irits daitekeela aipatu duzu sare sozialetan. Zer erran nahi duzu?

Sistema oso garrantzitsua da, ezinbestekoa: azken boladan sortu diren agerraldiak kontrolatzeko erabili den sistema da fidagarriena eta eraginkorrena. Eta sistema horiek ondo lan egiteko, beharrezkoa da profesionalak egotea: aztarnariak. Eta laguntza soziala: positibo eman duenak ondo deskribatzea zein izan diren bere mugimenduak. Baina sistema horrek gainezka egin dezake: bost pertsona jarraitzea posible da, baina, 400dik gora kasurekin, jakinda bakoitza lauzpabost pertsonarekin egon dela, egin kalkuluak: 2.000 pertsona baino gehiago dira. Nire galdera da ez ote dauden gainezka egiteko zorian.

Hala uste duzu?

EAEn aztarnari bat dago 10.000 pertsonako. Beste leku batzuetan, esaterako, Alemanian, 4.000 pertsonako bat dute: hiru aldiz gehiago. Muga iristen da ezinezkoa denean fisikoki hori guztia kontrolatzea.

Zenbat kasutik aurrera dago muga?

Gustatuko litzaidake jakitea, baina ez daukat informazio guztia eskuragarri: ez dago gardentasun osorik. Logikak esaten du, halere, gero eta profesional gutxiago badaude zailagoa dela kontrolatzea, batez ere datuak handiak direnean.

Eta gainezka eginez gero, zer?

Neurriak ezinbestekoak izango dira.

Nolako neurriak?

Neurriak hartzeko, informazio osoa behar duzu. Kutsatuen argazkia behar dugu: jendea non eta nola kutsatzen ari den. Argazki horrek esango digu zein diren hartu beharreko neurriak. Hobe da neurri kirurgikoak hartzea, berandu izan baino lehen. Birusa gurekin dago, lehengo bera da, eta beharrezkoa da gure jarrerak errealitatera doitzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sandra Barkaiztegi eta Olatz Mercader, atzo egin zuten agerraldian, Onkologikoaren aurrean. ©ANDONI CANELLADA / FOKU

Arta «integralaren» eskean

Arantxa Iraola

Onkologikoko pazienteek eratutako elkarte bat plazara atera da; kezkatuta daude zentroan gaixoen arretak izan duen «bilakaeraz». Manifestazio bat egingo dute langileekin batera, hilaren 15ean
Euskararen Egunaren harira Elgoibarren 2015ean eginiko egitasmo bat. ©BARREN.EUS

Aterki bat euskaltzaletasunari

Julen Aperribai

Euskara elkarteen baturatik sortu bazen ere, mugimendu izaera hartu zuen Euskaltzaleen Topaguneak 2012an. 25. urteurrena ospatuko du gaur Donostian, gaurko erronketan begia jarrita

45 minututik bost ordura

A. Iraola

Olatz Mercaderrek berriki jaso du arta Onkologikoan; ama 2012an zendu zitzaion, han arta jasota. Alde argiak ikusi ditu, pazienteen arreta egokiaren kalterako.
Emun kooperatibaren 25. urteurrenaren ekitaldia, atzo, Arrasaten. ©JON URBE / FOKU

Emun, 25 urte eraldaketan

Irati Urdalleta Lete

Emun kooperatibak 25. urteurreneko ekitaldia egin du Arrasaten. Eraldaketaren beharraz aritu dira, eta hura bizi edo eragin duten zenbait pertsonaren esperientziak bildu dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...