Albistea entzun

Euneiz unibertsitate pribatua sortzeko lege tramitazioa, aurrera

EP-IUk lege egitasmoa bueltatzeko eskatu dio Jaurlaritzari. EAJk, PSEk, PPk eta Voxek proiektua babestu dute, eta EH Bildu abstenitu egin da
Jokin Bildarratz Hezkuntza sailburua, atzo, legebiltzarreko saioan.
Jokin Bildarratz Hezkuntza sailburua, atzo, legebiltzarreko saioan. R.B. / FOKUA

Edurne Begiristain -

2021eko irailak 24 - Gasteiz

Gasteizen eraiki nahi den Euneiz unibertsitate pribatu berria eraikitzeko lege proiektuak beste koska bat gainditu zuen atzo Eusko Legebiltzarrean: EAJk, PSEk, PPk eta Voxek atzera bota zuten Elkarrekin Podemos-IUren osoko zuzenketa, eta EH Bilduk abstentziora jo zuen; horrenbestez, lege egitasmoa tramitatzen jarraituko dute legebiltzarrean. Uda aurretik, hezkuntza eragileen ekarpenak jaso zituzten, eta hemendik aurrera taldeen zuzenketa partzialak eztabaidatuko dituzte. Azken fasean da tramitazioa, legea behin betiko onartu aurretik.

Unibertsitate pribatuaren proiektuak mesfidantza eragin du hasieratik, batez ere unibertsitate komunitatearen barruan. EHUk eta Unibasq Euskal Unibertsitate Sistemaren Kalitate Agentziak ere txosten bana egin dute Euneizen aurka. Proiektuak finantzaketa publikoa jasotzeak eragin du zalapartarik handiena, eta hori bera arrazoitu du Elkarrekin Podemos-IUk osoko zuzenketan. Iñigo Martinez Zatonek salatu zuen unibertsitate horrek finantzaketa publikoa jasoko duela, eta hezkuntza ikuspuntu «merkantilista» batetik sustatuko duela, «irabazi asmoa» izango duelako.

Lege oinarria

EP-IUko legebiltzarkideak bestelako kritikak ere egin zizkion unibertsitate pribatuaren proiektuari: salatu zuen ez dituela betetzen euskal sistema unibertsitarioak ezarritako helburuak, eta ez dela bateragarria Espainiako Gobernuak onartu berri duen lege dekretuarekin. Hain justu, uztailean Espainiako Gobernuak gogortu egin zituen goi mailako hezkuntza zentroak unibertsitatetzat hartu ahal izateko bete beharreko baldintzak, dekretu bidez, eta Euneiz ez da lege berrira egokitzen.

Espainiako Gobernuaren dekretu berriak zentroek eskaini behar duten gutxieneko eskaintza akademikoa zehazten du: graduko hamar titulu, sei master eta bi doktoretza programa. Euneizek, ordea, graduko bederatzi titulu eskainiko ditu. Gainera, dekretuak dio bost ezagutza adarretako gutxienez hiruk egon behar dutela hezkuntza curriculumean jasota, baina Euneizek bi adar baino ez ditu hartuko. IU-EPko legebiltzarkideak Jaurlaritzari eskatu zion atzera botatzeko lege proiektua, eta baldintza berrietara egokituko den beste bat aurkezteko.

EH Bildu abstenitu egin zen bozketan, baina Ikoitz Arrese legebiltzarkideak argitu zuen koalizioak ez duela bat egiten unibertsitate pribatuaren egitasmoarekin. Lau zuzenketa partzial aurkeztu dizkio lege egitasmoari, bermatzeko Euneizek ez duela diru publikorik jasoko. Halaber, txosten juridiko berri bana egiteko eskatu die Unibasq agentziari eta Eusko Legebiltzarreko zerbitzu juridikoei, Euneizek Espainiako Gobernuaren lege berria betetzen duen argitu dezaten. Arresek ohartarazi zuen proiektu horrek «alde ilun» asko dituela, eta salatu «alfonbra gorria» jartzen ari zaiola unibertsitate pribatuari, EHUn espezialitate berberak eskaintzea sustatu beharrean.

Jokin Bildarratz Jaurlaritzako Hezkuntza sailburuak, berriz, ziurtatu zuen gobernuaren lege proiektuak indarrean den araudia errespetatuko duela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Belateko tunela (Nafarroa), artxiboko irudi batean. ©Jagoba Manterola / Foku

Belateko tunel berriaren lanak lizitatu ditu Nafarroako Gobernuak

Paulo Ostolaza

95 milioi euroko kostua izango dute lanek. Txibiteren arabera, «lekurik arazotsuenetako baten konponbidearen hasiera» da.

Gasteizko Askabide Klinika ©Jaizki Fontaneda/ FOKU

Askabide klinikak eskatu du abortuaren kontrako protestak ez daitezela guneetatik hurbil egin

Isabel Jaurena

40 Días por la Vida abortuaren aurkako elkarteak iragarri du protestak eginen dituztela otsailaren 22tik aurrera.

Frankismoaren biktimei omenaldia Bilboko hilerrian, artxiboko irudian ©Aritz Loiola/ Foku

EP-IUk eta Jaurlaritzak akordioa lortu dute memoria demokratikoaren legearen inguruan

Edurne Begiristain

Biktimen errolda bat sortuko da, erreparazio «osoa» bermatuko zaie biktimei, eta memoriaren aurkako sinboloak kentzeko plan bat onduko du Gogora-k, besteak beste.

Gasteizko Etxebizitza Sindikatuaren agerraldia, gaur. ©Gasteizko Etxebizitza Sindikatua

Gasteizko familia baten etxegabetzea gerarazteko exijitu dute

Julen Otaegi Leonet

Agerraldia egin du Gasteizko Etxebizitza Sindikatuak, «segurtasun osoz» berehalako etxegabetze agindua jasoko duen familia baten egoera salatzeko. «Beti bezala, administrazioak ez du aukerarik eskaini», gehitu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.