Albistea entzun

Pandemiak gizarte mugimenduak baldintzatu dituela ondorioztatu dute

Antirrazismoan, ekologismoan, euskaran eta feminismoan diharduten taldeak ikertu dituzte. Solidary taldeko kideek egin dute ikerketa

Solidary ikerketa taldeko kideak euren liburua aurkezten.
Solidary ikerketa taldeko kideak euren liburua aurkezten. ISABEL JAURENA Tamaina handiagoan ikusi

Isabel Jaurena -

2022ko uztailak 6 - Donostia

Euskal Herriko gizarte-mugimenduak pandemia garaian liburua aurkeztu zuten Solidary ikerketa proiektuko kideek atzo, Donostian. Bertan izan ziren egileak, guztiak EHUko ikerlariak: Marta Barba, Miren Guillo, Julen Zabalo, Marta Luxan, Edorta Arana eta Iñaki Barcena.

Txostena egiteko, Euskal Herriko lau gizarte eremu nagusi behatu zituzten ikerlariek: antirrazismoa-migrazioa-kulturartekotasuna, ekologismoa, euskara eta feminismoa. Talde horiek pandemiaren ondoren funtzionamenduan edo lan harremanetan zein aldaketa izan zituzten aztertu dute.

Analisi hori egiteko, bi lagin bereizi zituzten: taldeak eta horietako kide diren banakoak. Hala, 2021eko maiatzetik irailera bitarte, 100 kolektibori eta 94 norbanakori egin zieten inkesta. Taldeentzako galderen bidez, arlo hauen inguruko informazioa lortu zuten: euren ezaugarriak, pandemiak nola eragin dien eta nola erlazionatu diren euren artean.

Norbanakoen lagina txikia zenez, emaitzak desberdin interpretatu zituzten. Hala mintzatu zen Marta Luxan ikerlaria: «Argi dugu bere hartan ez dela ordezkagarria, jende gutxik erantzun duelako; baita erantzun duten horietatik gehienak emakumeak, gipuzkoarrak, euskaldunak eta goi tituludunak direlako ere».

Behaketa egin ostean, kolektiboen alderdi esanguratsuak bildu zituzten ikerlariek. Hala, aztertutako talde guztietatik bi heren berriak direla konturatu dira, XXI. mendekoak. Horien artean ekologiaz eta feminismoaz dihardutenak dira gehienak. Kolektibo horien hein handi bat herrikoa edo tokikoa ere bada, eta euskarak presentzia handia du guztietan. Taldeen arteko elkarreragina handia dela konturatu dira, kideetako aunitz kolektibo batean baino gehiagotan baitago.

Gainera, guztiek partekatzen dute egitura bat: bi geruza dituzte. Lehenbizikoa talde txiki eta aktibo batek osatzen du, non emakumeen presentzia handiagoa den. Bigarrena zabalagoa da, eta kideek parte hartze txikiagoa dute.

Pandemiaren kudeaketa

Pandemiak kolektiboetan izan duen eraginak bi norabide izan dituela ondorioztatu dute adituek, taldeen baitako aktibazioa eta desaktibazioa eragin baititu. Hala, arlo hauetan egokitzapenak egin behar izan zituzten: bilkurak egiteko orduan, diru sarrerak lortzeko orduan eta komunikazioan. Gainera, kolektibo guztiek nabaritu dute pandemiak euskararengan eragin txarra izan duela; ondorioztatu dute baztertua izan dela alor aunitzetan.

Ikerketak kolektiboen etorkizunean ere arreta jarri du, eta eurentzat garrantzitsuak izan daitezkeen erronkak bildu. Hala, antirrazismoa-migrazioa-kulturartekotasuna kolektiboak dio eskuin muturraren diskurtsoak eta arrazakeria estrukturalak arazoak ekar ditzakeela. Ekologismo arlokoek, berriz, begi onez ikusten dute etorkizuna. Euskara taldean ez dago iritzi bateraturik. Feminismoko kolektibokoek argi dute zaintza, erasoak eta antzeko gaiak izanen dituztela etorkizuneko agendan.

Guztientzako eskuragarri

Dokumentua online egonen da, ADDI izeneko sarbide libreko plataforman. Euskarazko bertsioa aste honetan eskuratzen ahalko da. Gaztelaniazko eta frantsesezko aleak, berriz, heldu diren asteetan argitaratuko dituzte. Gainera, udazkenean solasaldiak eskainiko dituzte, herritar guztiek ikerketaren emaitzen berri izateko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Miel A. Elustondo Rikardo Arregi Kazetaritza saria jasotzen. ©BERRIA

Miel A. Elustondok irabazi du Rikardo Arregi Kazetaritza saria

Julen Otaegi Leonet

BERRIAn argitaratutako 'Tonban ehortzirik' elkarrizketa sortagatik jaso du saria. Hildako pertsonei egindako elkarrizketak bildu ditu, antolatzaileen arabera, «euskarazko kazetaritzan parekorik ez dutenak». Komunikazio saria 'enpresabidea.eus' webguneak irabazi du.

Ikasle bat Hernaniko Langile ikastolan sartzen, gaur goizean ©Jon Urbe / FOKU

Sindikatuen arabera, grebaren oihartzuna %60koa izan da

Irati Urdalleta Lete

Eusko Jaurlaritzako Hezkuntza Sailak esan du ikastetxeen %92ren datuak dituztela, eta  irakasleen %35,2k egin dutela greba. ELA, LAB eta Steilas sindikatuek deitu dituzte langileak grebara Araban, Bizkaian eta Gipuzkoan, Hezkuntza Legearen aurreproiektuaren kontra egiteko.

Bortxaketa bategatik jarritako zigorra lau urtetik hirura apaldu dute Bizkaian

Bortxaketa bategatik jarritako zigorra lau urtetik hirura apaldu dute Bizkaian

Arantxa Iraola

Iragarria zuten Bizkaiko epaileek berrikusketa eskeak aztertzeko asmoa, eta lehen ebazpena eman dute

Mexikoko koral arrezifeak kaltetuta daude turismoarengatik, artxiboko irudia ©Oceanus

Frogatu dute lurraren %30 eta itsasoaren %24 kontserbatzeak eragin positiboa izanen lukeela giza ongizatean

Isabel Jaurena

Unai Pascual Ikerbasqueko ikerlariak parte hartu duen ikerketa batean, mundu osoko aktibo natural kritikoak identifikatu dituzte. Giza ongizatean eragiten duten ekosistema natural eta erdi naturalak dira aktibo horiek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.