Koronabirusa

Sindikatuek proposatu dute ikasturte amaiera «segurua eta adostua» izatea

Jaurlaritzari eskatu diote «alde bakarrez hartutako erabakiak gelditzeko». Ikuskaritzako eta ikerkuntzaren alorreko langileak gaur bueltatuko dira
Gasteizko Zabalgana eskola, itxita.
Gasteizko Zabalgana eskola, itxita. RAUL BOGAJO/ GASTEIZ Tamaina handiagoan ikusi

Edurne Begiristain -

2020ko maiatzak 21

Steilas, ELA, LAB, CCOO eta UGT sindikatuek ikasturte amaiera «seguru, adostu eta kalitatezko baterako proposamena» egin diote Eusko Jaurlaritzako Hezkuntza sailari. Sindikatuek «hutsuneak eta gabeziak» ikusten dizkiote Jaurlaritzak eskolak irekitzeko egindako planteamenduari, eta proposamen alternatibo bat bidali diote. Proposamenaren ardatz nagusietako bat da «bai osasun protokoloetan eta gainerako dokumentazioan jasotako prozedurak eta bai edukiek dituzten gabeziak osatzea», sindikatuekin negoziatuta. Hala, eskatu dute langileen ordezkariekin adostea ikastetxe bakoitzeko arriskuen ebaluazioa eta kontingentzia plana, eta haiekin eztabaidatzea eta aztertzea protokoloak jasotako neurri zehatzak.

Horrez gain, aurrez aurreko eskoletara itzuli behar duten ikasleak bi multzotara mugatu nahi dituzte sindikatuek: selektibitateko azterketa prestatu behar duten Batxilergoko bigarren mailako ikasleak, eta «arrakala digitalaren ondorioz konfinamenduaren ondorio kaltegarriak modu gehigarri batean jasan» eta errefortzuak behar dituztenak.

Halaber, Hezkuntza Sailari eskatu diote ikastetxe guztiei irizpide bera ezartzeko, ez «ikastetxe bateko eta besteko ikasleen arteko arrakalarik sortu edo areagotzeko».

Sindikatuek «jokaera arduragabea» izatea egotzi diote Hezkuntza Sailari, eta oharra egin dute: «Negoziazio prozesua gauzatu arte eta bidalitako proposamenean jasotako eskaerak betetzen ez diten bitartean, ikasturte amaierara begirako aldebakarreko erabakiak bertan behera utz ditzala, hezkuntza publikoko langileak eskolara presentzialki itzultzeko maiatzaren 19ko jarraibidea barne».

Agindu berria

Hain justu ere, atzo Hezkuntza sailak ikastetxeei eta sindikatuei bidalitako jarraibidean jasotzen da ikasgeletara itzultzeko erabakia. Gaur, ikuskaritzakoak eta ikerkuntzaren arlokoak izango dira itzultzen lehenak. Astelehenean, berriz, Derrigorrezko Bigarren Hezkuntzako laugarren mailako ikasleek, Batxilergokoek eta Lanbide Heziketakoek itzuli beharko dute aurrez aurreko eskoletara, hala egitea erabakitzen duten ikastetxeetan.

Sindikatuek atzo kaleratutako oharrean salatu zuten Hezkuntza sailaren azken planteamendu horrek ere ez duela jasotzen «osasunerako berme eta irizpide pedagogorik», eta gobernuari egotzi zioten erabakiak «inprobisatzea» eta «alde bakarretik» hartzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna