Albistea entzun

Euskararen aldeko «sinergiak» sortzea hitzartu dute

Eusko Ikaskuntzak eta Euskaltzaleen Topaguneak hitzarmen bat izenpetu dute
Ana Urkiza eta Kike Amonarriz, akordioa izenpetzen.
Ana Urkiza eta Kike Amonarriz, akordioa izenpetzen. BERRIA Tamaina handiagoan ikusi

Berria -

2023ko urtarrilak 25

Ana Urkiza Eusko Ikaskuntzako presidenteak eta Kike Amonarriz Topagunekoak lankidetza hitzarmen bat izenpetu zuten atzo Andoainen (Gipuzkoa), «euskararen eta ezagutzaren aldeko sinergiak sortzeko».

Nabarmendu dutenez, gizartearen beharrei erantzun «global eta integratzaileak» ematen dihardu Eusko Ikaskuntzak 1918tik; Topagunea, berriz, tokiko sozializazio eta komunikazio eremuetan euskararen erabilera sustatzen ari da 1997tik. Bi eragileak jada ari izan dira zenbait proiektutan elkarlanean; adibidez, 2020tik bi lankidetzatan ari dira, Nafarroako Aniztasunaren Kudeaketa Demokratikorako Proiektuan eta Nafarroan euskararen aldekotasuna handitzeko egitasmo batean. Orain, harreman hori estutze aldera, jarraipen batzorde bat eratzea adostu dute, bi erakundeek abian dituzten proiektuetan zuzenean inplikatzeko edo lan eta ikerketa arloetan ezagutzak trukatzeko.

Eusko Ikaskuntzak 2024an egingo duen biltzarrean parte hartuko du Topaguneak, besteak beste. Eta Euskaltzaleen Topaguneak euskararen erabileran jauzi bat egiteko sustatuko duen Aldaketaren Teoriaren prozesuaren alde egingo du Eusko Ikaskuntzak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Argia sariak jaso zituztenak, atzo, Usurbilgo Atxega jauregian. ©ANDONI CANELLADA / FOKU

Argia sariak, Azterketak Euskaraz-i eta Oihana Goirienari

Irati Urdalleta Lete

'Karpeta urdinak', Zugazart, '(Min)bizi' eta Euskal Mastodon komunitatea ere saritu dituzte
<em>Aita Mari</em> ontzia Pasaiako portuan (Gipuzkoa), 2020ko uztailean. ©IDOIA ZABALETA / FOKU

'Aita Mari' ontziari milioi bat euroko isuna jarri dio Espainiako Gobernuak

Isabel Jaurena Edurne Begiristain

Zigorrak lotura du 2020an Palermon gertatu ziren ekintza batzuekin. Itsas Salbamendu Humanitarioak alegazioak aurkeztuko ditu
 ©MARISOL RAMIREZ / @FOKU

Kontrol telematikoa hobetu beharra

Maite Asensio Lozano

Tratu txarrak ematen dituzten gizonei eskumuturreko telematikoa jartzea maizago eskatuko dute poliziek eta fiskalek, baina gailu horien nahi gabeko ondorioek kezka piztu dute eragileen eta biktima taldeen artean.
 ©BERRRIA / BERRIA

«Zergatik egon behar dut nik kontrolpean?»

M. Asensio Lozano

Manuelaren senar ohiak eskumuturrekoa darama. Gizonak maiz uzten du gailua kargatu gabe, eta, alarmak etengabe jotzearen ondorioz, antsietate arazoekin dabil emakumea.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...