Albistea entzun

21. Korrika. Helduen euskalduntzea

Doakotasuna probekin lotu nahi dute EAJk eta PSEk

Batez beste, 39 urte dituzte euskaltegietako ikasleek.
Batez beste, 39 urte dituzte euskaltegietako ikasleek. JON URBE / FOKU Tamaina handiagoan ikusi

Berria -

2019ko apirilak 14

Helduen euskalduntzeari buruzko eztabaida hasiko dute aurki Eusko Legebiltzarrean. Euskara ikasteari buruzko lege proposamen bat aurkeztu zuen azaroan EH Bilduk, bi zutabe nagusi dituena: batetik, B2 mailara arte doakotasuna bermatzea euskaltegietan; bestetik, ikasleek maila hori egiaztatzea derrigorrezko irakaskuntza bukatu aurretik. Proposamena tramiterako onartu zuen parlamentuak, PP ez beste taldeen babesez. Zuzenketak egiteko epea joan den astean bukatu zen. Eusko Jaurlaritzako bi taldeek, EAJk eta PSEk, erroko aldaketak proposatu dituzte: doakotasuna mailak gainditzearekin lotzea —oraingo eredua, alegia—, eta hezkuntzari buruzkorik ez sartzea lege horretan.

Lege proposamena izanik, Jaurlaritzak berak irizpen bat eman zuen; tramitera onartzearen alde agertu zen, baina ohartarazi zuen proposamenetako batzuk beste lege batzuetan garatzekoak dituztela —adibidez, hezkuntza legea egiteko aurreproiektua taxutzen ari dira orain—. Zuzenketetan argudio hori eman dute EAJk eta PSEk.

Elkarrekin Podemosek, berriz, harago jo nahi du puntu batzuetan: B2ra arte ez, C1era arte bermatzea doakotasuna —EGA tituluaren pareko maila da—. Beste proposamen bat ere egin du: euskaraz ikasi dutenei maila aitortzeko dekretua, 2012koa, lege bihurtzea. Horren bitartez, milaka ikasleri aitortzen diete euskara gaitasuna badutela —adibidez, C1 maila aitortzen dute karrera euskaraz eginda—.

Proposamena tramiterako onartzearen aurka agertu zen PP, eta zuzenketetan ere horri eutsi dio: adierazi du ez dela horrelako legerik «behar». Ez da agertu euskara ikasteko laguntzen aurka, baina adierazi du ez duela zertan «doakotasuna» izan. Derrigorrezko irakaskuntzaren amaieran B2 maila egiaztatzearen aurka jo du.

Behin lege proposamenari buruzko zuzenketa guztiak aurkeztuta, lantalde bat eratuko dute orain parlamentuan. Bertan eztabaidatuko dute gaia. Ez daukate epe zehatzik lege proiekturen bat adosteko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela

Euskarari eta teknologiari buruzko solasaldia, atzo, Donostian. ©MAIALEN ANDRES / FOKU

Puntako teknologia euskaraz

Isabel Jaurena

Hizkuntza gutxituak eta berrikuntza uztartzeari buruz jardun dute Donostian, Gipuzkoako Foru Aldundiak antolatuta. Euskaraz funtzionatzen duten zenbait gailu aurkeztu dituzte

Ezkerretik eskuinera: Otxandiano, Otegi, Aranburu eta Tobar bileraren osteko agerraldian, atzo, Donostian. ©ANDONI CANELLADA / FOKU

«Konfluentzia» nahi dute EH Bilduk eta LABek, publikoen eta ikastolen «onena» hartuta

Irati Urdalleta Lete

EH Bildu eta LAB hezkuntzaz aritzeko bildu dira. Aitortza egin diete sare publikoari eta ikastolei. Grebak aipatuta, esan dute bat egiten dutela langileen eskaerekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.