Albistea entzun

Bel Pozueta. Altsasuko Gurasoak plataformako eleduna

«Minduta eta haserre gaude; zigorrak makillatzen saiatu dira»

JESUS DIGES / EFE Tamaina handiagoan ikusi

Irati Urdalleta Lete -

2019ko urriak 10

Sententzia jakin eta ordu gutxira, ezkor mintzatu da BERRIArekin Bel Pozueta, Adur Ramirez de Alda gaztearen ama. Espainiako Auzitegi Gorenak bederatzi urte eta erdira arteko espetxe zigorrak ezarri ditu Altsasuko gazteentzat, eta haren semeak, zehazki, zortzi urte eta erdiz egon beharko du espetxean. Espainiako Auzitegi Nazionalak jarritako zigorrak murriztu arren, kartzelan jarraitu beharko dute, eta isun ekonomikoei eta inhabilitazioei ere aurre egin beharko diete. Berriz ere kalera atera beharko dutela azpimarratu du Pozuetak. Eta horretarako aukera ugari egongo direla. Besteak beste, atzo egin zuten lehen elkarretaratze jendetsua, Altsasun bertan.

Altsasuko Gurasoak plataformakoek zein balorazio egiten duzue Auzitegi Gorenaren sententziaren inguruan?

Egin dugun balorazioa da sententzia honekin injustizia mantendu egiten dela, injustizia latza eta erraldoia. Ez dakigu zein hitz aukeratu ere gertatzen ari dena deskribatzeko. Atera den epaiarekin minduta eta oso haserre gaude. Oso injustua da gertatzen ari den guztia. Aldi berean, saiatu dira makillaje ariketa bat egiten, aurretik ere gauza bera egindakoak baitira. Ezin dugu ahaztu, hasieran, 62 urteko kartzela zigor eskaera zegoela, eta pixkanaka murrizten joan direla. Astakeria galanta izan zen, eta gero, jaitsi zutenean, bazirudien gizarteari esan nahi ziotela epaiketaren ondoren gauzak bere neurrian jarri zirela. Orain egin dutena gauza bera izan da. Hasieran emandako zigorrak pixka bat jaitsi dituzte, larrigarriak kendu dituztelako, baina oraindik ere izugarriak dira, eta erabat injustuak.

Behin sententzia ezagututa, zer asmo dauzkazue?

Ostegunean [gaur] prentsaurreko bat emango dugu, 12:00etan, Katakraken [Iruñea]. Han azalduko dugu sententziari buruzko gure iritzia eta balorazioa, eta erakutsiko dugu etorkizunera begira zein mobilizazio egiteko asmoa daukagun. Aurrerago informazio gehiago emango dugun arren, seguruenik, hilaren 26an duintasunaren martxa egingo dugu, Altsasutik abiatuta. Izan ere, kalera atera beharra daukagu.

Eta arlo judizialean, zer pauso emateko asmoa daukazue?

Ibilbide juridikoari dagokionez, jada epaia irmoa da. Orain, argi dugu Espainiako Auzitegi Konstituzionalera joango garela, eta horrek bidea zabaltzen digunean, Europara joko dugula. Hala ere, ez digute justiziarik emango. Momenturen batean erakutsiko dute kasu hau zer-nolako astakeria juridikoa, zer-nolako zigorra eta mendekua izan den, baina gure seme-alabei egindako zauria ezingo da horrela sendatu.

Izan ere, Europara joateak denbora eskatuko du, ezta?

Bai, hala da. Nahikoa luzatu da jada, hiru urte pasatu ondoren eman baita epai irmoa, eta, bitartean, batzuk kartzelan egon dira.

Eta zigorrak jaitsi diren arren, kartzelan jarraitu beharko dute.

Bai. Oraindik ez dut ariketa matematikorik egin. Badakit Ainara Urkijori urte eta erdira jaitsi diotela zigorra, baina bera aurretik ere kanpoan zegoen. Iñaki Abadi, berriz, hiru urte eta erdiko kartzela zigorra geratu zaio, eta urte eta erdi barruan daramanez, baliteke hirugarren gradua lortzea. Hala ere, kartzela zigorrak ikusten ditugu bakarrik, baina horren atzean badaude izugarriak eta neurririk gabekoak diren inhabilitazioak eta zigor ekonomikoak ere. Horiek ez dituzte aldatu, eta isunak milaka eurokoak izango dira. Inhabilitazioak ere hainbat urtetakoak dira, eta gazte batzuk, esaterako, irakasle ikasketak egiten ari dira. Horrek guztiak, etorkizunean, beren bizitza profesionala ere baldintzatuko du.

Gehiegikeria berretsi dute

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Laura Aznal eta Bakartxo Ruiz EH Bilduko parlamentariak. ©Jagoba Manterola / Foku

EH Bilduk «eskua luzatuta» dauka Nafarroako aurrekontuak negoziatzeko

Joxerra Senar

Laura Aznalek ohartarazi dio gobernuari «exijenteak» izango direla, eta galdegin dio egoeraren arabera ardura izatea.

Beatriz Artolazabal, Zaballako espetxean egindako ekitaldian, atzo. ©RAUL BOGAJO / FOKU

Araba, Bizkai eta Gipuzkoan presoen laurdenak hirugarren graduan daude

Iosu Alberdi

Eusko Jaurlaritzak graduz aldatutako 457 presoetatik 25 «ETArekin lotuta» kartzelatutakoak dira

Garikoitz Aspiazu Auzitegi Nazionalean deklaratzen, hilaren 13an. ©Fernando Villar, EFE

ETAren 2002ko atentatu batean parte hartzeaz absolbitu dute Garikoitz Aspiazu, froga faltagatik

Uxue Rey Gorraiz

2002an Bilbon izandako atentatu bat egin izana egotzita epaitu dute Espainiako Auzitegi Nazionalean; bonba-auto bat lehertu zen, eta hainbat zauritu eragin. Aspiazuk ukatu egin zuen atentatuan parte hartu zuela.

Gaurko ekitaldiko une bat. ©BERRIA

Omenaldia egin diote Katalunian Txikiri, Guardia Zibilak fusilatu zuen lekuan

Berria

Besteak beste, Txikiren anaia Diego Paredes eta EH Bilduko Iñaki Ruiz de Pinedo mintzatu dira ekitaldian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.