Albistea entzun

Bi urteko kartzela eskaera senatari bat zauritu zuen ertzainarentzat

Amalur Mendizabal Amaiurko senataria, burua odoletan kolpea jaso ondoren, Hernanin, 2013ko irailean.
Amalur Mendizabal Amaiurko senataria, burua odoletan kolpea jaso ondoren, Hernanin, 2013ko irailean. J.C. RUIZ / ARP

Jon Olano -

2016ko uztailak 22 - Donostia

Gipuzkoako Epaitegiko fiskalak bi urteko kartzela zigorra eskatu du Amalur Mendizabal Amaiurko senatari ohia borraz jotzeaz akusatutako ertzainarentzat. 2013ko irailaren 30ean izan zen gertaera, gauez, Hernanin (Gipuzkoa), Herrira-ren aurkako polizia operazioaren kontrako protesta batean. Fiskalaren zigor bera eskatuko du akusazioak.

Guardia Zibila Herrira-ren Hernaniko egoitzara sartu zen, eta Ertzaintzak hartu zituen inguruak. Jende ugari elkartu zen protestara, eta ertzain batek borraz jo zuen buruan Amaiurreko orduko senataria. Mendizabal emakume bat babesten ari zela eta senatari txartela erakusten ari zela jo zuen poliziak; buruan bost zentimetroko ebakia egin zion, eta zortzi puntu eman zizkioten biktimari.

Egun batzuk geroago salaketa bat aurkeztu zuen Mendizabalek. Irailean, auziarekin jarraitzea eta ertzain bat inputatzea erabaki zuen Donostiako Instrukzioko 5. Epaitegiko epaileak. Orain, ahozko epaiketa egiteko eskatu du fiskalak, eta ertzainarentzat bi urteko espetxe zigorra galdegin du. Lesio delitu bat egotzi dio, eta larritzat jo du langile publikoa izatea. Gainera, fiskalak eskatu du ertzainak Mendizabali 3.600 euroko kalte-ordaina ordaintzeko.

'Mozal legearen' aurretik

Espainiako senatari ohiak BERRIAri adierazi dionez, «arrazoinamendu desberdinengatik» bada ere, zigor bera eskatuko du bere abokatu Iñigo Iruinek. Aitortu du «luze» egiten ari zaiola prozesua —bi hilabete barru hiru urte beteko dira—, eta azaldu du ertzainaren abokatuak prozedura judizialeko pauso ororen aurka helegitea aurkeztu izana dela luzapenaren arrazoia. Hala ere, uste du «zorte ona» izan zuela Herritarren Segurtasunerako Espainiako Legea —mozal legea izenez ezaguna— indarrean sartu aurretik eraso ziotelako, gogoan izan baitu Ateak Ireki atariak argitaratutako bideo bat funtsezko froga izan zela —orain, legeak galarazi egiten du polizien irudiak hartzea—. «Lege berriarekin zenbat gauza gertatuko ote dira ezin direnak frogatu».

Ertzainari diziplina espedientea ireki zion Eusko Jaurlaritzako Segurtasun Sailak, senataria jo eta egun batzuetara. Estefania Beltran de Heredia sailburuak adierazi zuen litekeena zela ertzain hark indarra eta defentsarako tresnak «modu desegokian» erabili izana, eta horregatik zabaldu ziotela espedientea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»
Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

Maria Txibite Nafarroako Gobernuko lehendakaria eta Ramon Alzorriz, PSNko bozeramailea, Nafarroako Parlamentuan. ©JESUS DIGES / EFE

PSNk atea itxi dio Mañeru eremu mistoan sartzeari

Xabier Martin

Jakina zen Navarra Sumak ezezkoa emango ziola Euskararen Legea aldatzeko proposamenari, eta, orain, PSNk iragarri du harekin batera bozkatuko duela, Mañeru ez dadin sar eremu mistoan.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.