Albistea entzun

Udalen osaketa Nafarroan. ANALISIA

Ekintzen bidez hitz egin du PSNk

Joxerra Senar -

2019ko ekainak 16

Bere fruituengatik ezagutuko dituzue. Nafarroako erakundeak osatzeko antzezlan luzean, lehen atala amaitu zen atzo: udalena. Bibliako esaldi ezagun horrek adierazten duen moduan, hitzek bainoago ekintzek islatzen dute modu argienean borondatea. Aurreko astean, PSNk borondate irmoa adierazi zuen «ezkerreko gobernu aurrerakoiak» osatzeko; orain, berriz, haren ekintzek kontrakoa aditzera eman dute. Ahal izan duten tokietan, aginte makila eskuratu dute, babesak lortuta ezkerretik (Erriberri, Andosilla) edo eskuinetik (Caparroso, Sartaguda, Beriain eta Uharte). Gainerako udaletan, berriz, eskuinaren udal gobernuak posible egin dituzte: Iruñea, Barañain, Lizarra, Eguesibar, Burlata... Adierazgarria.

Horregatik, gustu txarreko txantxa dirudi PSNk ateratako oharra. Euren ikuspegitik, akordio aurrerakoiak aurrera atera dituzte «ahal izan den tokietan». Euren irizpidea izan da hautagai sozialisten alde egitea «alkatetzarik ez emateko ez eskuinari eta ez eta Bilduri ere». De facto, eskuinari eman dizkiote. Berriz ere, hitzen gainetik, ekintzak.

Ezer negoziatu gabe, gainerakoen botoak eskuratu nahi izateak —Lizarran eta Iruñean ahalegindu bezala— xantaia joko batera mugatzen du politika: edo ni, edo eskuina. Tabula rasa horretan, eskuina garaile. Zilegitasun guztia du alderdi orok nahi duena egiteko, baina ez dezatela orduan diskurtsorik zuritu. Bestela, hitzaren eta ekintzen arteko alde handi horrek iruzur kutsu handia du. Bai, egia da PSNko agintari asko eta boto-emaile asko erosoago bizi izan direla UPNren eskutik helduta; baina egia da, era berean, euren diskurtsoarekin oraindik ere hainbat herritar nahastea lortzen dutela.

Nafarroako politika nahasten duten bezala. Elkarbizitzari begira, udal eta foru erakundeek hartuko duten kolore politikoaz harago, arriskutsua baita sozialisten jokabidea. EH Bildu, udal hauteskundeetan, bigarren indarra izan zen (67.000 boto), eta hautetsi kopuruan, lehen indarra (320). Horregatik, EH Bildurekin negoziatu nahi ez izatea ere kezkagarria da. Ferrazek ezarritako marra gorri hori bere egin dute Sarasaten, egin dutenaren eta egin nahi dutenaren koartada egokiena baita. Apartheid politikoak iraganeko gauza izan behar luke, baldin eta politika lubakiz josi nahi ez bada.

Atzoko mapa politikoaren irakaspen nagusia da PSN erabakigarri izan ez den tokietan akordioa gauzatu ahal izan dela (Zizur Nagusian edo Tafallan). Duela lau urte, udaletan gertatu zen aldaketa handia, neurri handi batean PSNk erabakigarri izateari utzi ziolako. Orain, erabakigarritasun hori berreskuratu duenean, Navarra Sumak agindu du; euren arerioak eskuina ez baizik balizko bazkideak balira bezala.

Horregatik, Eguesibarko udaletxean, Javier Esparza pozarren zegoen. Ez da gutxiagorako. Badaki gobernua lortzea gertuago duela. Gobernua osatzeko prozesuak bizirik segitzen du, baina Geroa Baik, Ahal Dugu-k eta Ezkerrak hobe lukete gertatutakoaren oharrak hartu, antzezlan honetan ez dezaten ergelaren rola jokatu. Eskuinari bidea errazten zaion bitartean, errudun gisa ez agertzera jokatzen ari baita PSN. Ekintzen bidez hitz egin du.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Juan Alberto Belloch, artxiboko irudi batean. ©Javier Cebollada / EFE

Juan Alberto Belloch: «Galindo, borrokalari antiterrorista moduan, onena zen»

Iosu Alberdi

Justizia eta Barne ministro ohiak adierazi du bera izan zela Galindori jeneral kargua ematea ahalbidetu zuena, nahiz eta jakin atxilotuak torturatzen zituela.

Eba Blanco (erdian), azaroko biltzarrean, idazkari nagusi izendatua izan ondoren. ©JAVIER ZORRILLA / EFE

EAren primarioak berriz egiteko aginduaren aurkako helegiteak aztertuko dituzte

Xabier Martin

Espainiako Auzitegi Gorenak tramiterako onartu du EAren eskaera, eta alderdiaren primarioak berriz egiteko agindu zuen probintzia auzitegiaren epaia balekoa den ala ez erabakiko du.

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.