Albistea entzun

Egoitzetatik plazara, baldintza hobeen eske

Hiru eguneko kanpaldia egiten ari dira Bizkaiko zaharren egoitzetako grebalariak, Bilbon. Lan gatazka gizarteratu nahi dute; aldundiari eta sektoreko patronalei eskatu diete aldarrikapenak onartzeko.
Arriaga antzokiaren eta itsasadarraren artean kokatu dute karpa.
Arriaga antzokiaren eta itsasadarraren artean kokatu dute karpa. LUIS JAUREGIALTZO / ARGAZKI PRESS Tamaina handiagoan ikusi

Zuberoa Iturburu Lopez-Pantoja -

2017ko ekainak 10

Berde kolorea, Bilboko bihotzean. Kamiseta berdeak, dozenaka, eta pankarta erraldoi bat. Bizkaiko zaharren egoitzetako langileek lan eremutik atera dute gatazka, euren eskaerak herritarrei ezagutzera emateko asmoz. Arriaga antzoki alboan jarri zuten karpa bat atzo, eta asteburu osoan egongo dira han, txandaka. Kultur arloko, alderdietako eta mugimendu feministako ordezkariak joango dira grebalariei babesa ematera.

Duela hamabost hilabete abiatu zuten greba, eta, dagoeneko, 200 lanuzte baino gehiago egin dituzte. «Gure eskakizunak bidezkoak dira, eta merezi ditugu: 1.200 euroko soldata, asteko 35 orduko lanaldia eta igandeko plusa igotzea, besteak beste», azaldu du Ainhoa Menendez langileen ordezkariak. Asteburuko ekintza hori baliatuko dute aldundiari eta sektoreko patronalei aldarrikapenok berriro gogorarazteko.

Izan ere, gatazka hasi zenetik gizarteratu dituzte eskakizunak, Menendezen hitzetan: «Uste dut herritarrek badakitela zertan ari garen, baina, norbaitek ez bazekien, kanpaldiarekin gatazka ezagutuko duela espero dut».

Babes zabala, karpapean

Kanpaldiaren lehen egunean, besteak beste, Babestu elkarteko kideak gerturatu ziren; zahar etxeetako erabiltzaileen senideek osatzen dute. Suhiltzaile batzuk eta EH Bilduko ordezkariak ere egon ziren grebalariekin. Gainera, La Otxoa, Las Kapritxosas clown taldea eta Puro Luegoren emanaldiak izan ziren karpapean. Gaur, pintxo lehiaketa egingo dute, eta Irantzu Varela eta Josebe Iturriotz militante feministen bisita jasoko dute. Bihar amaituko dute kanpaldia, ekitaldi batekin. Bernardo Atxagak, Garik, Ane Guriak eta Las Fellinik parte hartuko dute.

Grebalariek ez daukate argi gatazkaren inflexio puntuan ote dauden, baina uste dute kanpaldia beharrezkoa dela. «Hirutan eskatu dugu baimena, eta, azkenean, eman digute. Gatazka gizarteratzeko eta jende gehiagorengana iristeko modua da».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ursula von der Leyen Europako Batzordeko lehendakariaren artxiboko irudi bat. ©OLIVIER HOSLET / EFE

Txertoen patenteak kentzearen gainean eztabaidatzea onartu du Europak

Maria Ortega Zubiate

Herrialde ekoizleei dei egingo diete «esportazioa baimendu eta hornikuntza kateak oztopatzen dituzten neurriak deuseztatzeko». Europako Batasuna da «munduko txerto esportatzaile nagusia». AEBek babestu egin dute txertoei patentea kentzea.

Martin Ugalde Foroa: Euskal marka, izaera eta balioak

‘Garen hori: euskal marka, izaera eta balioak’ saioa 19:00etan, Martin Ugalde foroan

Jone Arruabarrena

Saioa ezin izango da bertatik bertara ikusi, baina BERRIAren webgunean enkontrua zuzenean jarraitzeko aukera izango da. Galderak eta ekarpenak egiteko aukera ere zabalik dago, #GarenHoriforoa traolaren bitartez.

Iñigo Urkullu Eusko Jaurlaritzako lehendakaria, gaur, Eusko Legebiltzarrean. ©David Aguilar / Efe

Jaurlaritzak ez dio helegiterik jarriko EAEko Auzitegi Nagusiaren erabakiari

Berria

Urkulluk esan du soilik auzitegiak onartutako neurri murriztaileak sartuko dituztela alarma egoeraren ondorenerako aterako duten dekretuan. «Bermeak» nahi ditu, eta errekurtsoa jartzeak «ziurgabetasun aldi bat» sortuko lukeela uste du.

N-1 autobia. ©Xabier Martin / FOKU

Bidesarietan «Europako logikari» erantzuten dio Gipuzkoak, Olanoren esanetan

Berria

Espainiako Gobernuak iragarri du 2024rako bidesaria ezarri nahi duela autobia guztietan. Hegoaldean, hiru aldundiek eta Nafarroako Gobernuak dute errepideen gaineko eskumena

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.