Noiz sortua: 2020-02-11 00:30:00

Hiru ordurako ere ez

Jakes Esnal euskal presoari kirol ibilaldi batean parte hartzeko baimena eman zion epaileak, baina ministerio publikoa aurka azaldu da
Jakes Esnal eta beste euskal preso batzuen askatasunaren aldeko 2018ko martxa bat, Baionan.
Jakes Esnal eta beste euskal preso batzuen askatasunaren aldeko 2018ko martxa bat, Baionan. ISABELLE MIQUELESTORENA Tamaina handiagoan ikusi

Erredakzioa -

2020ko otsailak 11
Euskal preso baten kontrako erabakia hartu du, berriz ere, terrorismoaren aurkako Frantziako ministerio publikoak. Le Monde egunkariak jakinarazi duenez, Jakes Esnalek (69 urte) baimena eskatua zuen bizpahiru orduko kirol ibilaldi baterako kartzelatik ateratzeko. Esnal eta beste preso batzuk presondegiko zaindarien zaintzapean aterako ziren. Zigorrak Ezartzeko epailea ados zen, haien gizarteratzeaz arduratzen den zerbitzua ere bai, baina prokuradorea ez, eta Esnal ezin izan da atera aldi baterako kalera.

Ministerio publikoak ez ditu Le Monde-ren galderak erantzun nahi izan; haatik, Esnalen eskaera onartzeko argudioak azaldu dizkiete presoen gizarteratzeaz arduratzen den zerbitzukoek. «Oso aldeko» iritzia agertu dute, «ez dagoelako inolako dudarik haren jarrera eta kirol baimenaren koadroaren errespetuari». Espetxeko zuzendariak ere «oso aldeko iritzia» eman du, Esnalen jarrera «eredugarritzat» jota. «Haren presondegiratzea inolako arazorik gabe gertatu da orain arte; ateraldi baterako baimenak zentzu osoa du». Saint Martin de Ren dago euskal herritarra.

2014tik gaur arte behin baino gehiagotan egin du euskal presoak baldintzapean aske gelditzeko eskaera; aldi oro ukatu diote. 2017an, Frederic Haranburu, Jon Kepa Parot eta hiruren zigorrak kommutatzeko eskaera egin zuen Ipar Euskal Herriko pertsona ezagunen talde batek, baina ez zuen emaitza baikorrik izan. Zigor egokitzapen eskaera egin du berriki, eta hori martxoaren 13an aztertuko dute.

Zulueta eta Enparantza libre

Arantza Zulueta eta Jon Enparantza euskal presoak gaur goizean geratuko dira aske, 11/13 auzian espetxe zigorra osorik beteta. Aurrenekoa Picassenteko espetxean dago (Valentzia, Herrialde Katalanak), eta bigarrengoa, Estremerakoan (Madril). Datorren martxoaren 1erako zuten ezarria irteteko eguna, baina Espainiako Espetxeetako Erakundeak hogeina egun murriztu dizkie.

Joan den urteko irailaren 16an hasi eta bukatu zen 11/13 auziko epaiketa, 47 lagunen aurkakoa, Espainiakoa Auzitegi Nazionalean, eta, aldeen arteko akordio bat zela bide, epaileek Zuluetari eta Enparantzari soilik ezarri zien bi urtetik gorako espetxea: hiru urte eta erdikoa eta bi urte eta zazpi hilabetekoa, hurrenez hurren. Lehendik egonak ziren preso. Hasieran Zaballako (Araba) kartzelan sartu ziren, baina gero urrundu egin zituen Madrilek.

Ruben Garate gogoan

Hogei urte bete dira Ruben Garate hil zenetik euskal preso bati egindako bisita bateko auto istripuan, eta Etxerat elkarteak elkarretaratze batera deitu du biharko, Otxandion (Bizkaia), 19:00etan. Larunbatean ere egingo dute ekitaldirik. «Dispertsio politikaren eraginez» hildako hamasei lagunen memoria eta aitortza aldarrikatuko ditu Etxerat-ek.

Albiste gehiago

Martxoaren 31n eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.647 gaixok eman dute positibo koronabirusaren proba eginda, administrazioen arabera. 441 hil dira. COVID-19 gaitza izandako 1.775 pertsonari eman diete alta. Grafikoak, albiste barruan.

Pankarta bat, Biboko Zapikaleetan. ©Marisol Ramirez / Foku

500 hildakoen langa gainditu du izurriak Euskal Herrian

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Aceros Olarra lantegia, Loiun, atzo. ©Marisol Ramirez / Foku

Tubos Reunidosek berriro zabalduko du

Iker Aranburu

Jaurlaritzak uste du industria osoak eutsi ahal diola jarduera txiki bati. Mondragonek dio «atzeraezinezko konpromisoak» bete ahal izango dituela, eta CAFen 37 boluntario ari dira bagoi batzuk entregatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun

Izan zaitez BERRIAlaguna