Albistea entzun

Heziberri, LOMCE eta PISA probei planto egitea eskatu du Hezkuntza Topaguneak

Martxotik ekainera arte sei azterketa iragarrita daudela nabarmendu dute. «Azterketa eta errebaliden lasterketa zoroa» dela salatu dute
Hezkuntza Plataformen Topagunearen agerraldia, atzo.
Hezkuntza Plataformen Topagunearen agerraldia, atzo. MONIKA DEL VALLE / ARP Tamaina handiagoan ikusi

Jon Rejado -

2018ko otsailak 4 - Gasteiz

Hezkuntza Plataformen Topaguneak dei egin du martxotik ekainera arte egingo dituzten zenbait kanpo ebaluazioei planto egitera: Heziberriren eta LOMCEren ezarpenaren ondorioz egingo dituzten ebaluazioei, baita PISAko probei ere. Azterketa horiek egitea Euskal Herritik kanpo erabaki dutela hausnartu zuten atzo emandako prentsaurrekoan. Salatu dute proba horiek ez dituztela kontuan hartzen ikastetxeen eta ikasleen errealitatea. «Egoera itogarri hau jasangaitza da», kexatu dira plataformako kideak.

Martxoaren 5etik ekainera arte sei kanpo azterketa egongo direla ezagutarazi dute: 15 urteko ikasleentzat, PISA azterketa; Heziberrik eta LOMCEk jasotzen dituzten ziklo amaierako kanpo ebaluazioak, LHko 6. mailan eta DBHko 4. mailan; selektibitatea, Batxilergoa amaitzean; eta, azkenik, ISEI erakundeak LHko 4. mailan eta DBHko 2. mailan egingo duen ebaluazio diagnostikoa. ISEIrena izan ezik, gainerako guztiak «gure hezkuntza sistemei kanpotik inposatuak» direla azaldu dute, eta horiek ez egiteko eskatu dute.

Ebaluazio hezitzaile eske

Hezkuntza Plataformen Topaguneak gogora ekarri du ebaluazio hezitzailearen gaineko hausnarketa egin zutela eragileen artean, iaz. Handik hasi zuten bidean aurrera egin, eta ebaluazio sistema propioa eskatu diete Eusko Jaurlaritzari eta Nafarroako Gobernuari, «kalifikazioak eta etiketatzeak baztertuko dituena», nahiz eta, euren ustez, administrazioek bide horretan aurrera egiteari «uko» egin dioten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maria Txibite lehendakaria eta Ramon Alzorriz PSNko bozeramailea, Nafarroako Parlamentuan. ©JESUS DIGES / EFE

Sindikatu Medikoaren hordagoari men egiteko prest azaldu da Txibite

Ion Orzaiz

Lehendakariak justifikatu du Osasunbideko sendagileei aukera ematea osasun pribatuan ere jardun daitezen: «Profesionalak erakartzeko bidea da». Erabakiaren aurka azaldu dira EH Bildu eta Ezkerra
Miren Basaras. / ©Aritz Loiola, Foku

«Komeni da zaurgarrienek maskara erabiltzen jarraitzea»

Edurne Begiristain

Osasun sistemaren gaineko presioa «apaldu» izanaren ondorio da garraio publikoan maskara janzteko derrigortasuna kendu izana, Miren Basaras EHUko Mikrobiologia irakasleak azpimarratu duenez.

'Aita Mari' ontziak Mediterraneoan aurkitutako migratzaileen ontzi baten erreskatea, artxiboko irudia. ©Itsas Salbamendu Humanitarioa

'Aita Mari' ontziari espediente bat ireki diote, ia milioi bat euroko isunekoa

Isabel Jaurena-Edurne Begiristain

Zigorra 2020ean Palermon (Sizilia, Italia) gertatu ziren ekintza batzuen baitakoa da. Aita Mari-k alegazioak aurkeztuko ditu.

Ikasbidea ikastola, Duran ©Irekia

Ikasbidea ikastetxeak hotzari aurre egiteko konponbide iraunkor bat eskatu du

Irati Urdalleta Lete

Azaldu dutenez, arazoak dituzte ikastetxeko galdararekin, baina Eusko Jaurlaritzak esan die ez dutela uda baino lehen konponduko. Salatu dute ikasgeletan hamahiru edo hamalau gradu izan dituztela.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...