Jose Diego Yllanes aske utzi dute, Nagore Laffage hil zuenetik hamar urtera

Baldintzapeko askatasuna ezarri dio zaintzako epaileak, eta fiskalak ez du helegiterik jarri. Lanean da Yllanes, Madrilgo klinika pribatu batean
Nagore Laffageren omenezko elkarretaratzea, Iruñean.
Nagore Laffageren omenezko elkarretaratzea, Iruñean. IDOIA ZABALETA / FOKU Tamaina handiagoan ikusi

Ion Orzaiz -

2018ko martxoak 24

Orain arte, lotara itzuli behar zuen kartzelara. Hemendik aurrera, ezta hori ere. Jose Diego Yllanes iruindarra behin-behinean aske utzi du espetxe zaintzako epaileak, Nagore Laffage gazte irundarra hil zuenetik hamar urte betetzear direla.

2008ko uztailaren 7an hil zuen Laffage, Iruñeko sanferminetan. Biktima 20 urteko Erizaintza ikaslea zen; haren hiltzailea, berriz, Nafarroako Unibertsitate Klinikan lan egiten zuen 27 urteko psikiatra egoiliarra. Gizonezkoaren etxera igo ziren biak, baina Laffagek sexu harremanak izateari uko egin zionean, Yllanesek bortizki eraso zion. Horren ondoren, gorpua plastikozko poltsa batean sartu, eta Erroibarko baso batean ezkutatu zuen.

Zinpekoen epaimahai batek epaitu zuen Yllanes, baina ez zuen premeditaziorik antzeman eta, homizidioa leporatuta, hamabi urte eta erdiko zigorra ezarri zion. Laffageren familiak helegitea jarri zuen, erailketa gisa har zezaten, baina Espainiako Auzitegi Gorenak ez zuen eskaria aintzat hartu.

Martxoaren 7az geroztik baldintzapean aske dago Yllanes, Abc egunkariak jakinarazi duenez. Aurreko hilabeteetan ere kalera irteteko aukera izan du; lotara bueltatzen zen kartzelara. Orain, hilean behin joan behar du espetxe zaintzako erakundera. Abc-ren arabera, espetxe zaintzako epaileak hartu zuen erabaki hori, eta, fiskalak ez duenez helegiterik jarri, irmoa da epaia. Lana ere badu Yllanesek, abenduan jakinarazi baitzuten psikiatra postua duela Madrilgo klinika pribatu batean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ertzaintzaren autoak Donostian, atzo. ©Gorka Rubio / Foku

Ertzaintzak Donostiako Alde Zaharra hartu du berriz

Berria

Segurtasun Sailaren arabera, botilak jaurti dizkiete agenteei. Auzoko Gazte Asanbladak, ordea, ukatu egin du istilurik egon izana. Hamar lagun identifikatu dituzte. Pasaian, berriz, gazte bat atxilotu dute.

PCR proba bat joan den urtarrilaren 8an, Zaldibarren (Biziaia). ©JAIZKI FONTANEDA / FOKU

Ospitaleratutakoen kopuruak gora egin du berriro ere azken orduetan

Gotzon Hermosilla

Positibo kopurua apur bat apaldu den arren, 1.400 kutsatuen langatik gora jarraitzen du. Osasun agintariek zazpi heriotzaren berri eman dute

Peon, Oiarbide, Otondo eta Salaberria, atzo Donostian egindako mahai inguruan. ©GORKA RUBIO / FOKU

Arnasguneek arnasa hartzen segi dezaten

Irati Urdalleta Lete

Politika publikoek arnasguneetan nolako eragina duten aztertu dute 'Arnasguneetan oinarritutako hizkuntza politikak' mahai inguruan. Orain arteko lorpenak goraipatzearekin batera, etorkizunerako erronkak ere zehaztu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.