Noiz sortua: 2018-07-28 00:30:00

Osakidetzak 22,6 milioi erabili ditu itxarote listak arintzeko

Urtarriletik ekainera %1,42 ugaritu da kirurgiak egiteko eskaria. Osakidetzako buruzagiek adierazi dute ez direla luzatu itxarote zerrendak
Basurtuko Unibertsitate Ospitaleko ebakuntza gela bat.
Basurtuko Unibertsitate Ospitaleko ebakuntza gela bat. LUIS JAUREGIALTZO / FOKU Tamaina handiagoan ikusi

Eider Etxeberria -

2018ko uztailak 28

Osakidetzak plan bat abiatu du itxarote zerrendak murrizteko. Horretarako, 37,9 milioi euro izango ditu. Jada hasiak dira planarekin. Kopuru horretatik 22,6 milioi euro erabili dituzte dagoeneko. Itxarote zerrendei erantzuteko hemezortzi proiektu eta hamar ekintza ildo izango dira 2019. urtera arte. Hala adierazi zuten atzo Maria Jesus Mujika Osakidetzako zuzendari nagusiak eta Andoni Alzelai Asistentzia Sanitarioko zuzendariak Gasteizen egindako agerraldi batean. Are, plan horren barruan sakontzen jarraitzeko asmoa ere agertu zuten; besteak beste, ebakuntza gela berriak jartzeko asmoa dute.

2018ko lehen seihilekoan kirurgia eskaria %1,42 ugaritu dela jakinarazi zuten. Biztanleriaren zahartzeak eta teknologien hobekuntzek eragin dute kirurgia eskaria haztea. Hala ere, itxarote zerrendak ez luzatzea lortu dutela esan zuen Mujikak. Aurtengo lehen seihilekoan, batez besteko itxarote denbora 48,1 egunetan dago; 2017. urtean 47,9 egunetan zegoen. Traumatologia, oftalmologia eta kirurgia orokorra dira eskaera gehien izan dituzten esparruak. Biztanleriaren zahartzearekin lotu zituzten hirurak. 65 urtetik gorakoen ebakuntzak ebakuntza guztien erdia baino gehiago dira: seihileko honetan 65 urtetik gorako 40.284 pazienteri egin diete ebakuntzaren bat; horietatik 7.886 pertsonak 85 urtetik gora zituzten.

Egunero, 98.000 lagun baino gehiago artatu zituen Osakidetzak aipatu epean. Kanpo kontsultetan iaz baino 3.000 pertsonak gutxiagok itxaron behar izan dute artatuak izateko. Batez beste, itxaron beharreko denbora 30,1 egun izan da. Iazko epe bereko kopuruaren gainetik (26,9). Gainera, seihileko horretan, 2017an baino 3.000 lagun gehiago egon dira diagnostikorako proben zain. Halaber, seihileko honetan, %1,29 ugaritu dira mediku eta erizaintzako kontsultak.

Mujikak adierazi zuen Osakidetzak erantzuteko gaitasun handia duela: ehun pazientetatik 92ri osasun arazoa konpontzen diete, eta horietatik zortzi bakarrik ospitaleratu behar izaten dituzte.

Transplateetan lider

Osakidetzako Prebentzio eta Transplanteen Programak nazio eta nazioarte mailan erreferente direla ere azpimarratu zuten atzoko agerraldian. Arabako, Bizkaiko eta Gipuzkoako organo emaileen kopurua munduko handienetariko bat da. Milioi bat biztanleko 55 organo emaile daude. Giltzurrun transplanteen aurreikuspena Europako kopururik handienen barruan kokatu dute. Hezur-muin emaileak, berriz, azken urteetako kopururik handienetan daude orain ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

<b>Laborategia.</b> Lan eskerga egiten ari dira zientzialariak birusa menderatzeko. ©S. MOREIRA / EFE

Bio zigiluaren balio erantsia

Xabier Martin

Maskaren ekoizpenean erreferentzia bihurtu da Euskal Herria, baina laborategian ere ari dira birusaren aurka biozientziaren esparruan jarduten duten euskal enpresak

Kubako mediku espezialistak Italiara iritsi berritan, pandemiari aurre egiten laguntzera ©ERNESTO MASTRACUSA / EFE

Politika berdeak pandemiaren aurka

Arantxa Elizegi Egilegor

Mundu osoko 40 milioi osasun langile ordezkatzen dituzten 350 erakundek eskatu diete G20ko kideei balia dezatela krisia kutsaduraren eta klima aldaketaren aurkako neurriak hartzeko

 ©BHC

«'Made in Euskadi' maskarek ez dute ekarriko onura ekonomiko handirik»

Xabier Martin

Pascual de Zuluetak azpimarratu du, koronabirusaren aurkako borrokan parte har dezaketen enpresak alde batera utzita, pandemiak kalte handia egin diola sektoreari; esan du «izozturik» geratu dela jarduera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna