Albistea entzun

Zortzina urteko eskea berriz Barbado eta Zelaiaren aurka

Fiskalak zigor eskaerari eutsi dio Espainiako Auzitegi Nazionalean. Epaiketa gaur amaituko da, Madrilen
Epaiketa salatzeko mobilizazioa, Gasteizen.
Epaiketa salatzeko mobilizazioa, Gasteizen. JAIZKI FONTANEDA / FOKU Tamaina handiagoan ikusi

Berria -

2021eko urtarrilak 22

MADRIL. Galder Barbado eta Aitor Zelaia gazteen aurkako epaiketa hasi zen atzo Espainiako Auzitegi Nazionalean. 2018ko otsailean atxilotu zituzten, «armak, munizioak eta lehergailuak edukitzea, eta horiek helburu terroristarekin gordetzea eta trafikatzea» leporatuta. Duranan (Araba) aurkitutako material bat dago epaiketaren oinarrian, baina bi gazteek atzoko saioan adierazi zuten ez zutela material horren berririk. Epaiketa gaur amaituko da.

Fiskaltzak zortzi urteko espetxe zigorra eta zazpi urteko zaintzapeko askatasuna eskatu ditu haietako bakoitzarentzat. Fiskala, gainera, Altsasuko auzian aritutako berbera da: Jose Perals. Epailea ere aski ezaguna da: Angela Murillo. Barbadok epaiketan aitortu zuen ezker abertzaleko «militantea» dela, eta mugimenduak egun duen estrategiarekin «bat egiten» duela. Halere, atxiloketaren zergatia ukatu, eta erantsi zuen bere etxean soilik «militantzia politikoarekin lotutako materiala» aurkitu zutela. Ertzain bat izan zen atzoko saioan testigu, eta gazteak esandakoa berretsi zuen: kartel bat eta eranskailu bat aurkeztu zituen froga gisa. Zelaiaren kasuan, azaldu zuen Ertzaintzak konfiskatutako materiala Hatortxu Rock jaialdian txanda bat egiteko erabili zuela, eta bere bertsioa baieztatu zuen lekuko batek.

Gaur mobilizazio bat egingo dute Amurrion (Araba), Barbadoren herrian, 18:00etan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ezkerretik, Xabier Madariaga, Roberto Moreno eta Pilar Kaltzada, atzo, Bilbon. ©MONIKA DEL VALLE / FOKU

Umeen eskubideak lehentasun

Gotzon Hermosilla

Adituek uste dute gurasoren bat edo biak espetxean dituzten umeen arazoari heltzeko beharrezkoa dela ikuspuntua aldatzea, umeen beharrak beste edozein irizpideren gainetik jarriz.
Miren Gorrotxategi (Elkarrekin Podemos-IU) eta Luis Gordillo (PP+C's), atzo, Eusko Legebiltzarreko osoko bilkuran. ©JAIZKI FONTANEDA / FOKU

Espetxeen transferentziaren berri emateko eskatu du legebiltzarrak

Jon O. Urain

Eskumen transferentziaren akordioa lotzean informazioa parlamentura bidaltzea babestu dute EAJk, PSE-EEk, EP-IUk eta EH Bilduk. Erkoreka eta Grande-Marlaska gaur bilduko dira
Egiari Zor fundazioak torturen gainean antolatutako prentsaurrekoa, atzo, Iruñeko Katakraken. ©IÑIGO URIZ / FOKU

Manifestazio bat eginen dute Iruñean, tortura iker dadin galdegiteko

Uxue Rey Gorraiz

Martxoaren 6rako egin dute deia. Zabalzaren kasua ikertzeko eskatu diote Espainiako fiskalari
Martxoak 3 elkarteko kideek agerraldia egin zuten atzo, Gasteizen. ©MARTXOAK 3 ELKARTEA

M-3 elkartea: «Ez dugu justiziarik lortu, baina ez dugu ahaztu»

Maddi Ane Txoperena Iribarren

Martxoaren 3aren ingururako hamaika ekitaldi antolatu dituzte Gasteizen, 1976an hildako bortz langileak oroitu eta gertatua salatzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.