Altsasuko gazteen gurasoek babesa eskertu dute

ALTSASU. Altsasuko auzian zigortutako gazteen gurasoek eta Aurrera Altsasu plataformakoek eskerrak eman dizkiete joan den martxoaren 24ko manifestazioa antolatzen aritutakoei eta hara joandakoei: «Ezin izango dugu maitasun guztia bueltatu. Hala ere, saiatuko gara». Gainera, Espainiako Auzitegi Nazionaleko fase judiziala ere amaitu dela oroitarazi dute ohar baten bidez.