Gizon bat hil da Artikutzan, zuhaitzak mozten ari zela enbor bat gainean erorita

OIARTZUN. 58 urteko gizonezko bat hil zen atzo goizean, zuhaitzak mozten ari zela, Artikuntzan, Oiartzunen (Gipuzkoa), Nafarroaren eta Gipuzkoaren arteko mugan. Larrialdi zerbitzuek 09:00ak aldera izan zuten ezbeharraren berri, eta bi lurraldeetako suhiltzaileak eta Ertzaintza gerturatu ziren eremura. Enbor bat gainera erori zitzaion, eta osasun zerbitzuek ezin izan zuten ezer egin. Helikopteroan eraman zuten gorpua Donostiara. Ez zuten argitu lan istripua izan ote den, eta Ertzaintza gertatutakoa ikertzen ari da.