Gipuzkoan EAJ nagusi, aldundiaren inkestaren arabera

2022ko ekainak 3

DONOSTIA. Datorren urteko foru hauteskundeetan EAJ izango da lehen indarra Gipuzkoan, Foru Aldundiak atzo argitaratutako soziometroaren arabera. Jeltzaleek botoen %37 eskuratuko lituzkete, 2019an lortu zituztenak baino 1,1 puntu gehiago. Horrekin, 21 batzarkide izango lituzkete. Neurketaren arabera, EH Bildu bigarren izango da, eta goranzko joeran hura ere: %33,2 boto erdietsiko lituzke, duela hiru urte baino 1,3 puntu gehiago. Horrela, hemeretzi batzarkide izango lituzke: egun dituenak baino bi gehiago eta EAJrentzat iragarritakoak baino bi gutxiago.

PSE-EEk eta Elkarrekin Podemos-IUk, ordea, 2019ko bozetan baino ordezkaritza apalagoa izango dute, soziometroaren arabera; sozialistek bi ordezkari galduko lituzkete, bederatzitik zazpira jaitsita, eta Elkarrekin Podemos-IUk egungoak baino bat gutxiago lituzke: hiru. PPren eta Voxen artean, berriz, ez legoke aldaketarik; popularrek eutsi egingo liokete orain duten batzarkide bakarrari, eta Vox ordezkaritzarik gabe egongo litzateke berriro.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut