GASTEIZ. Elkarrekin Podemos-IUko eledun Miren Gorrotxategik uste du Eusko Legebiltzarrean ez dagoela Autogobernu Lantaldea suspertzeko moduko «girorik». Ganbera hartan egindako prentsaurrekoan, Gorrotxategik azaldu zuen EP-IU prest dagoela bide horretan urratsak egiteko, baina EAJren adierazpenak «su artifizialekin» alderatu zituen: «Bere esku dago lantaldea nahi duenean suspertzea, eta, ez badu egiten,ez du egiten ez duelako nahi».
Eledunak urte politikoaren balantzea egiteko baliatu zuen agerraldia, baina gobernuko presidenteorde eta Lan ministro Yolanda Diazek abiatutako Sumar —euskaraz, Gehitu— proiektuaz ere hitz egin zuen. «Ezkerreko indar politikoen arteko aliantzak» ezartzeaz gainera ere zerbait egin dezakeela uste du Gorrotxategik.
Inkestek koalizioarentzat iragartzen duten beherakadaz, berriz, azaldu zuen politikarekiko urruntzea orokorra dela herritarren artean, eta alderdi guztiei eragiten diela.
Gorrotxategik interes falta leporatu dio EAJri
Iruzkinak
Ez dago iruzkinik
Ordenatu
