Autobus gidariek grebara deitu dute Baionako bestetan

BAIONA. Uztailaren 26tik 30era Txik Txak eta Chronoplus autobus sareko gidarien grebara deitu dute FO, CFDT eta CGT sindikatuek. Lan baldintzen hobetzea nahi dute, eta Keolis zuzendaritza enpresaren «kudeaketa errepresiboa eta antisoziala» deitoratu dute. FO eta CGT sindikatuek adierazi dutenez: «Autobus gidari batek sei ordu segidan gida dezake benetako pausarik ukan gabe». Horrez gain, Txik Txak eta Chronoplus autobus zerbitzuetako langileei besten garaian emaniko lan sari emendatzea zalantzan jartzen du zuzendaritzak aurten. Greba deialdia ulertezina da, Jean Rene Etxegarai Baionako alkatearentzat, «besten segurtasuna jokoan delako».