Aberri Egunean ikurrinak jartzeko deia egin du EAJk

BILBO. Andoni Ortuzar EAJko Euskadi Buru Batzarreko presidenteak dei egin die herritarrei Aberri Egunean ikurrina zintzilikatu dezaten balkoitik, eguna ospatzeko baina baita «koronabirusaren ondorioz hildakoak gogoratzeko eta pandemiaren kontrako borrokan lehen lerroan ari diren gizon eta emakumeei esker ona adierazteko» ere. EAJk gogorarazi du ikurrinak eskegitzeko deia «urtero» egin ohi duela, baina aurtengoak «sinbolismo berezia» izango du, Ortuzarren hitzetan, eta «pozik» agertu da Aberri Eguna ospatzeko «ekimen berriak agertu» direlako.

LAB sindikatuak eta Sortuk, bestalde, bat egin dute Euskal Herria Batera ekinbideak egindako deialdiarekin, eta burujabetza aldarrikatuko dute testuinguru berezian ospatuko den Aberri Egunean, «bizitzak erdigunean» jartzeko. Estatu propioa eskatuko du Sortuk.