BILBO. Eusko Jaurlaritzako Enplegu eta Gizarte Sailak eta arlo sozialeko zenbait elkartek Lehen Urratsa izeneko programa aurkeztu dute, etxerik gabeko pertsonei babesa eta laguntza emateko asmoz prestatua. Beatriz Artolazabal sailburuak esan duenez, COVID-19ak ondorio latzak ekarri ditu, baina «etxerik gabekoei laguntzeko aukera ere» zabaldu du egoera berriak.
Itxialdiak iraun duen bitartean, etxerik gabeko mila lagun inguru hartu behar izan dituzte hiru herrialdeetako hiriburuetan, haientzat atonduriko frontoi, kiroldegi eta bestelako azpiegituretan. Orain, itxialdia arintzen ari den honetan, azpiegitura horiek itxi egin dituzte, eta plan honekin lortu nahi dute pertsona horiei zerbitzua ematen jarraitzea, batez ere hiru arlotan: etxebizitza beharra asetzea, baliabide ekonomikoak eskuratzen laguntzea, eta gizarteratzea. Bi milioi euro bideratuko dituzte programa horretara, eta hogei bat elkarteko ehun langilek jardungo dute.
Etxerik gabekoak artatzeko plan bat aurkeztu dute
Iruzkinak
Ez dago iruzkinik
Ordenatu
