Torturatuen erreparazioa aztergai Iruñean

IRUÑEA. Iaz garai honetan egin bezala, hitzaldi sorta antolatua du Nafarroako Torturatuen Sareak azaroaren 17rako, Iruñeko Planetarioan. Iaz, nazioarteko esperientziak izan zituzten hizpide, eta, oraingo honetan, batik bat erreparazioan jarri nahi dute arreta. Hartara, Tortura, erreparaziorako urratsak izango da aurtengo leloa. Marilo Gorostiaga Sareko kideak azaldu duenez, «konferentzia irekia» izango da, eta parte hartzera dei egin diete interesa duten guztiei. Hiru hitzaldi izango dira. Lehenengoan, 16:30ean, Lorena Perez Osoriok Txileko esperientziaren berri emango du, eta harekin batera arituko da sareko Jorge Txokarro ere. 17:30ean, Peruko Juana Luisa Lloret de Fernandez psikologoak bere herrialdean gertatutakoaz hitz egingo du, eta, Olatz Barrenetxea psikologo klinikoarekin batera, biktimen arreta psikosoziala izango du aztergai.