Aske gelditu dira atxilotutako CUPeko bi zinegotziak

Gaua komisarian eman dute, eta goizean pasatu dira epailearen aurretik. Ez deklaratzea erabaki dute.

Marta Llorens eta Oriol Ciurana CUPeko zinegotziak, epaitegitik irten ostean, adierazpenak egiten. /
Marta Llorens eta Oriol Ciurana CUPeko zinegotziak, epaitegitik irten ostean, adierazpenak egiten. /

Gorka Berasategi Otamendi -

2017ko abenduak 28

Marta Llorens eta Oriol Ciurana Reuseko zinegotziak, biak ere CUPekoak, Reuseko bigarren instrukzio epaitegitik pasatu dira gaur goizean, atzo mossoek atxilotu eta gaua komisarian eman ondotik. Llorensek eta Ciuranak ez deklaratzeko eskubideari heldu diote, eta epaileak aske utzi ditu.

Epaitegiaren aurrean, dozenaka herritar batu dira CUPeko zinegotziei babesa agertzera.

Llorens eta Ciurana atxilotzeko agindua eman zuen Reuseko bigarren instrukzio epaitegiak, zinegotziek deklaratzera joateko agindua desobeditu zutela eta. Urriaren 1ean Espainiako Poliziaren kontra gorrotoa eragitea leporatzen diete biei. Mariona Quadrada, berriz, CUPeko Reuseko zinegotzia hori ere, deklaratzera deitu dute bigarren aldiz, eta oraingoz ez dute haren kontrako atxiloketa agindurik ezarri.

Zinegotziak goizean atxilotu zituzten. Llorens eta Ciuranaren abokatuak saiatu dira gaua atxilotuta igaro ez dezaten, baina epaileak ukatu egin die aukera hori.

Atzo iluntzean, mila pertsona inguru elkartu ziren Reuseko Mercadal plazan, zinegotzi atxilotuei elkartasuna adierazteko. Mobilizazioak izan ziren Kataluniako beste hainbat hiri eta herritan ere.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Azkoien, lehengo astean ©

Faltzes eta Funes konfinatzeko neurriak hartu dituzte

Arantxa Iraola

Nafarroako Osasun Departamenduaren erabakia izan da, birusaren intzidentzia datuekin oso kezkatuta baitago.

PCR probak, Gurutzetako ospoitalean. ©Luis Jauregialtzo, FOKU

612 kasu zenbatu dituzte Hegoaldean

Uxue Rey Gorraiz

28 lagun erietxeratu dituzte azken egunean Hego Euskal Herrian. Halaber, koronabirusarekin eri ziren hiru pertsona hil dira egun bakarrean, Nafarroan.

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna