Marta Llorens eta Oriol Ciurana Reuseko zinegotziak, biak ere CUPekoak, Reuseko bigarren instrukzio epaitegitik pasatu dira gaur goizean, atzo mossoek atxilotu eta gaua komisarian eman ondotik. Llorensek eta Ciuranak ez deklaratzeko eskubideari heldu diote, eta epaileak aske utzi ditu.
Epaitegiaren aurrean, dozenaka herritar batu dira CUPeko zinegotziei babesa agertzera.
â©No esteu soles @CUPReus#SomLlavor i no fem ni un pas enrere! #SensePorpic.twitter.com/2Ujf4JR0ZB
— CUP Països Catalans (@cupnacional) 2017(e)ko abenduak 28
Llorens eta Ciurana atxilotzeko agindua eman zuen Reuseko bigarren instrukzio epaitegiak, zinegotziek deklaratzera joateko agindua desobeditu zutela eta. Urriaren 1ean Espainiako Poliziaren kontra gorrotoa eragitea leporatzen diete biei. Mariona Quadrada, berriz, CUPeko Reuseko zinegotzia hori ere, deklaratzera deitu dute bigarren aldiz, eta oraingoz ez dute haren kontrako atxiloketa agindurik ezarri.
Zinegotziak goizean atxilotu zituzten. Llorens eta Ciuranaren abokatuak saiatu dira gaua atxilotuta igaro ez dezaten, baina epaileak ukatu egin die aukera hori.
Atzo iluntzean, mila pertsona inguru elkartu ziren Reuseko Mercadal plazan, zinegotzi atxilotuei elkartasuna adierazteko. Mobilizazioak izan ziren Kataluniako beste hainbat hiri eta herritan ere.
📷Prop d'un miler de persones es concentren a la plaça del Mercadal de #Reus en solidaritat amb la Marta i l'Oriol. No esteu soles! #SomLlavor#SensePor#RepúblicaArapic.twitter.com/h4sBbyUKeh
— CUP Països Catalans (@cupnacional) 2017(e)ko abenduak 27
