Noiz sortua: 2019-04-15 19:03:23

Osakidetza

Zozketa bidez hautatuko dituzte oposizioetako epaimahaietako kideak

EAEtik kanpoko adituek prestatuko dituzte azterketa teorikoak. Urrian egingo dituzte azterketetan jarrilp dute martxan eredu berria

Iazko ekainean eginiko azterketetan parte hartu zutenetako batzuk
Iazko ekainean eginiko azterketetan parte hartu zutenetako batzuk / Mariso Ramirez (Foku)

Jokin Sagarzazu -

2019ko apirilak 15

"Hobekuntzak" iragarri dituzte Osakidetzaren lan deialdi publikoetako azterketetan. Eusko Jaurlaritzaren Osasun Sailak ezarri nahi ditu urrian egingo dituen azterketetan; iazko lan eskaintza publikoan egin gabe geratu zirenetan, hain justu: espezialista medikuen hogeita sei plazetarakoetan eta goi mailako biologoen lau plazetarakoetan. Azterketa horiek atzeratu egin zituzten, iazko ekainean eginiko beste batzuetan irregulartasunak atzeman zituztelako. Hori dela eta, beste hiru ere errepikatu behar dituzte, baina ez dute horiek egiteko egunik jarri.

Hamabi neurri jasotzen ditu Osasun Sailaren proposamenak. Nagusienak, bi: zozketa bidez aukeratuko dituzte azterketetako epaimahaiak, eta "irizpide objektibo batzuk" zehaztuko dituzte horko kide izan ahalko duten hautagaientzako. Halaber, proba teorikoak prestatzeko, Euskal Autonomia Erkidegotik (EAE) kanpoko adituengana joko dute; urriko azterketetan, proba praktikoetarakoetarako ere bai.

Otsailean, Carmen Adan EAEko fiskalburuak auzitara jo zuen 11 kategoriatako azterketak filtratu zirela salatzeko, eta nabarmendu zuen "irizpide objektiborik" ez zela jarri probak prestatu zituzten kideak eta epaimahaikoak aukeratzeko orduan. Frogatu zuen berak ikertutako alorretan, besteak beste, Osakidetzako zuzendaritzako kide batzuek zuzenean izendatu zituztela epaimahaiko kide batzuk, eta horien artean zeudela azterketa aurretik jaso zuten pertsona batzuen lankideak eta senideak.

Fiskalburuaren salaketak Jon Darpon Osasun sailburuaren dimisioa ekarri zuen, hilabete geroago. Azterketak egin aurretik ere langile batzuek salatu zuten filtrazioak egongo zirela, eta aspaldikoa zela jarduteko modu hori Osakidetzako oposizioetan.

"Eredu berri bat" helburu

EAEko Arartekoak eginiko gomendioetan oinarritu da Osasun Saila, eta esan du "berdintasun, merezimendu eta gaitasun printzipioak zaintzea" duela xede proposamenak. Neurrien alde azaldu da Arartekoa: uste du lagunduko dutela enplegu publikorako prozesu "inpartzialagoak eta objektiboagoak" diseinatzeko.

Osasun Sailak adierazi duenez, Herri Arduralaritzaren Euskal Erakundearekin (IVAP) adostu ditu neurriak, eta eztabaidatu egin ditu lan eskaintza publikoetako Segimendu Batzordeko sindikatuekin: SATSErekin, Medikuen Sindikatuarekin eta UGTrekin.

Osasun Sailaren asmoa da urriko azterketetan "frogatzea" neurri horien bideragarritasuna; bere helburua da prestatzen ari den Osakidetzarako "eskaintza publikoen eredu berrian" sartzea. Egitasmo hori Eusko Legebiltzarrean aurkezteko konpromisoa hartu du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna