Albistea entzun

Espainiako Gorteetarako hauteskundeak

Espainiako Gorteetan elkarlanean aritzeko akordioa sinatu dute EH Bilduk eta ERCk

Genevan sinatu dute hitzarmena, bertan erbesteratua baitago Marta Rovira ERCko idazkari nagusia. HItzarmena martxoaren 25ean egin zuten publiko.

EH Bildu Tamaina handiagoan ikusi

Berria -

2019ko apirilak 19

Suitzaraino joan behar izan du EH Bilduko ordezkaritzak Esquerra Republicana de Catalunyarekiko akordioa sinatzera. Izan ere, alderdiko burua, Oriol Junqueras espetxean egonik, alderdiko bigarrena, Marta Rovira bizi den hirira joan dira, Genevara.

ERCko idazkari nagusiarekin bildu dira Arnaldo Otegi EH Bilduko koordinatzaile nagusia, eta Espainiako Kongresu eta Senaturako hautagaiak, Bel Pozueta, Mertxe Aizpurua eta Gorka Elejabarrieta. ERCren izenean, berriz, Rovira bera, Marta Vilalta bozeramailea eta Joan Tarda orain arte Kongresuko diputatu lanetan aritu dena. 

Hitzarmena sinatzera Genevaraino joan behar izateak frogatzen du "salbuespen egoera" dela honakoa. Hala adierazi du Otegik eta ohartarazi du "autoritarismoa zabaltzen" ari dela, ez bakarrik Europan, baita Espainian ere.  "Guk uste dugu benetan balio duten taulak biderkatzekoak eta gehitzekoak direla, eta ez zatiketenak. Horregatik gai izan gara beharrezko konplizitatea sortzeko, bidean elkarrekin aurrera egiteko". 

Hitzarmena bera martxoaren 25ean egin zuten publiko, bi alderdietako ordezkariek Bilbon egindako agerraldian. Haren arabera, bi indarrak elkarlanean arituko dira Espainiako Gorteetan, haien eragina "biderkatzeko" helburuarekin.

Haien helburu nagusiak dira Euskal Herria eta Kataluniarentzako autodeterminazio eskubidea onartuaraztea, preso politikoak askatzea eta desberdintasunak amaitu eta botere ekonomikoaren indarrari galga jarriko dion aldakea bultzatzea. 

Europako bozei dagokionez ere, elkarlanaren hautua egin du EH Bilduk, baina kasu horretan alderdi gehiagorekin. ERCz gain, BNGk ere bat egin du harekin Orain Errepublikak izenarekin. Oriol Junqueras da hautagaitza horretako zerrendaburu eta Pernando Barrena bigarren. 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Galdakaoko Udalak demandatu gisa aurkeztea erabaki du Usansoloko auzian

Berria

Bizkaiko Batzar Nagusiek lurraldeko 113. udal gisa onartu zuten Usansolo, galdeketaren ostean, eta Estatuko abokatutzak helegitea aurkeztu zuen. Galdakaoko Udalak prozesu honetan egindako bidea defendatzeko demandatu gisa aurkeztea erabaki du.

 ©JON URBE / FOKU

«Adostasun berriek ahalbidetu dute bake prozesua»

Irati Urdalleta Lete

Foro Sozialaren bidea ixtear da, baina hor dago eginikoa: hamabi aholkuetatik 11 beteta edo betetzear. Eta egitekoak: adibidez, biktimen «asimetria» gainditzea. Balorazio «ona» egin dute.
 ©MARISOL RAMIREZ / FOKU

«Madrilen berme» mahaian

Jon Ordoñez Garmendia - Xabier Martin

PSE-EEn bide luzea eginikoa da Ares: sozialisten ordezkari 2005etik 2007ra bitarteko bake elkarrizketetan eta Jaurlaritzako Barne sailburu, besteak beste. Karguan zela hil zuen Ertzaintzak Cabacas. 68 urte zituela hil da.

Bake Bideak eta Bakegileak taldeek antolatu mobilizazioa Ipar Euskal Herria blokeatzeko. ©Bob Edme/ Iparla

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.