Euskal presoak

Berriz epaitzeko eskatuko du Josu Urrutikoetxeak

Hilaren 19an eta 28an Parisko Auzitegian izango da, Eferen arabera. 2002tik bakearen alde jardun duela adierazi dute bere abokatuek, eta justiziaren aitzinean azalpenak emango dituela.

Berriz epaitzeko eskatuko du Josu Urrutikoetxeak
Berriz epaitzeko eskatuko du Josu Urrutikoetxeak

Ekhi Erremundegi Beloki -

2019ko ekainak 3 07:20

Epaiketa berriz egiteko eskatuko du Josu Urrutikoetxea ETAko militante historikoa izandakoak. Maiatzaren 16an atxilotu zuten, Frantziako Goi Savoiako Sallanches herrian eta presondegian sartu zuten; bi espetxe zigor ditu betetzeko Frantzian. Parisko Auzitegiak 2017ko ekainean kondenatu zuen, 2011-2013 artean Norvegian izan eta ETAko egitura politikoan parte hartzea egotzita. Urte haietan, ETA ahalegindu zen Espainiako Gobernuarekin elkarrizketak abiatzen, nazioarteko bitartekaritza tarteko, baina saiakera antzua izan zen. Urrutikoetxearen kontrako epaia bera epaiketan bertan ez zegoela ebatzi zenez, hari uko egin eta beste epaiketa bat egiteko aukera aitortzen dio Frantziako legeriak.

Efe berri agentziak Justiziako iturriak aipatuz zabaldu du hilaren 19an Parisko Apelazio Auzitegian izango dela Urrutikoetxea, 2010eko sumario bateko auzia dela eta. Zazpi urteko kartzela ezarri zioten, ETAko zuzendaritzako kidea izatea leporatuta. Hilaren 28an, berriz, Parisko Auzitegi Korrekzionalean izango da, Eferen arabera, 2017an ezarritako zortzi urteko espetxeagatik.

Laure Heinich eta Laurent Pasquet-Marinacce abokatuek adierazi dutenez, Urrutikoetxearen kontrako epaiketa bera gabe egin zuten, eta ez zuen bere kontrako epaiketaren abisurik jaso; epaitegi korrekzionalak epaitu zuen, delitu batentzat, eta ez krimen batentzat. Halaber, leporatua zaion delitua, gaizkile elkarteko kide izatea, bereziki "lausoa eta gaitzetsia" dela diote, eta ohartarazi dute ez diotela egozten pertsonen kontrako kalterik. Haien hitzetan, Josu Urrutikoetxeak ez du azalpenik emateko aukerarik izan orain arte eta erabat ukatzen ditu bere kontrako akusazioak; "hobengabetzat emana da". 

Joan den ostegunean, Josu Urrutikoetxea aske uzteko eskatu zuen intelektual talde batek Liberation egunkarian idatzitako iritzi artikulu batean. Orotara, 65 pertsona ezagunek izenpetu dute eskaera; tartean dira, Noam Chomsky, Slavoj Zizek, Michael Lowy, Helene Franco, Federica Giardini, Genevieve Fraisse. Change.org webgunean izenpedurak biltzeko kanpaina ere abiatu dute.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Azken porturaino

AZKEN PORTURAINO

Maddi Ane Txoperena Iribarren

Euskal presoak bisitatzera joateko, milaka kilometro egin behar izaten dituzte haien senide eta lagunek. Andaluziako Puerto de Santamariako espetxeetara egindako bidaia baten kronika da hau.
Mirentxin gidarietako boluntarioek gidatzen dituzte furgonetak. ©NAGORE ARIN
Sare Herritarrak atzo Donostiako Kontxa hondartzan eginiko mosaikoa. ©SARE

Olatu bat konponbidearen itsasertzera

Jon O. Urain

Sarek deituta, 600 lagunez osatutako mosaiko bat eratu dute Donostian. Espetxe politika aldatzeko eskatu dute
 ©JUAN CARLOS RUIZ / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna