Euskal presoak

Preso ohiei egiten zaizkien harrerak "pribatuak" izan daitezela eskatu du Foro Sozialak

Harrera horiek presoen auzian lortutako adostasunak "kolokan" jartzen dituztela ohartarazi du Foro Sozialak, baina, aldi berean, ekitaldiak judizializatzearen aurka agertu da. Foroak nabarmendu du harrera horiek amaitu egingo liratekeela euskal presoak bigarren gradutik hirugarrenera igaroko balira.

Jose Jabier Zabaleta 'Baldo' euskal presoa Hernanin, Zuerako (Espainia) kartzelatik irten ondoren. /
Jose Jabier Zabaleta 'Baldo' euskal presoa Hernanin, Zuerako (Espainia) kartzelatik irten ondoren. / Jon Urbe/Foku

Arantxa Elizegi Egilegor -

2019ko uztailak 31

Joan den asteburuan Jose Jabier Zabaleta Baldo eta Xabier Ugarte euskal presoei egindako harrerek eztabaida eragin dute. Espainiako Gobernuak fiskaltzari eskatu dion iker ditzala bi euskal presoei egindako harrera ekitaldiak, eta ohartarazi du "onartezinak" direla horrelakoak. Jaurlaritzak, aldiz, "biltzeko askatasunaren" barruan jarri ditu bi ekitaldiak, eta nabarmendu du Ertzaintzak ez duela delitu zantzurik ikusi horietan.

Gaur, eta 72 orduz azken erreakzioak eta isiltasunak aztertu ostean, Foro Sozialak hartu du hitza, eta kritikatu egin du halako ekitaldiak judizializatzeko bideak zabaldu izana. Aldi berean, baina, eskatu du halakoak "eremu pribatuetan" egin daitezela, eta ohartarazi horiek "kolokan" jartzen dituztela orain arte presoen auzian lortutako adostasunak. "Irtenbidearen alde eta elkabizitza demokratikoaren alde lanean ari diren eragileen arteko banaketa eragiten ari dira", adierazi du.

Foroak jakinarazi duenez, asteburuan Hernanin eta Oñatin egin direnen gisako ekitaldiek "ETAren biktimen mina areagotzen" dute, eta aldi berean presoen senideen "babesgabetasun" sentimendua handitzen dute; izan ere, urte luzez izan dira salbuespen politiken biktima. "Euskal gizarteak ez du onartzen orain arte ETAren biktimek eta presoen senideek bizi izan duten sufrimendua are gehiago handitzea. Hala ere, guztiak bat datoz harrera horiek eremu pribatuetan egin daitezkeela".

Egoeraren irtenbidea euskal presoak bigarren gradutik hirugarrerena igarotzea litzateke, Foroaren iritziz, eta horretarako beharrezkoa litzateke Espainiako Gobernuaren, Jaurlaritzaren eta Nafarroako Gobernuaren adostasunari presoena eta gizartearena gehitzea. "Unean uneko akordioetatik presoen auzia behin betiko argituko duen akordio zabal batera igaro behar dugu".

Akordio zabal hori lortze aldera, Foro Sozialak lanean jarraituko duela iragarri du, betiere hiru oinarriren gainean: ETAren biktimekiko eta haien minarekiko errespetu osoz, harrera ekitaldiak eremu itxietan egin daitezela; hainbeste urtez urruntzeari eta sakabanaketari aurre egin behar izan dioten senide eta lagunen sufrimendua aitortuz; eta preso ohien konpromisoa bakearen eta giza eskubideen alde lan egiteko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiari 1813an su eman ziotela oroitzeko Dora Salazarrek egindako eskultura, maskara jantzita ©JUAN CARLOS RUIZ / FOKU

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna