Noiz sortua: 2019-08-16 09:45:03

EUSKAL PRESOAK

Presoen eskubideen alde batzera deitu du Sarek gaur zortzirako

Manifestazio bat egingo du Bilbon, 12:30ean, konpartsekin batera antolatuta. "Korapiloak askatzeko unea" dela nabarmendu dute.

Azkarraga eta Atxa, gaurko agerraldian.
Azkarraga eta Atxa, gaurko agerraldian. / Sare

Jon O. Urain -

2019ko abuztuak 16

Sare Herritarrak agerraldi bat egin du gaur goizean, datorren ostiralean Bilbon egingo duten manifestazioaren berri emateko. Agerraldian, Bego Atxa eta Joseba Azkarraga bozeramaileek azaldu dute "urte berezia" dela 2019a; batetik, bost urte bete direlako Sare sortu zenetik, eta, bestetik, "azken urtebetean eman diren urratsek garai berri bat ekarri dutelako Euskal Herrira, konponbiderako, elkarbizitzarako eta bakerako esperantza eta aukera eskaintzen duena".

Bozeramaileek azpimarratu dute "korapiloak askatzeko unea" dela: "Urteetan indarkeria ezberdinek sortutako min eta zauriak lantzeko unea da, ezberdinen arteko enpatia ariketak erdigunera ekarriaz eta memoria, errespetua eta aitortza guztientzako oinarri gisa hartuaz". Era berean, erantsi dute garaia dela "egun oraindik ere hainbeste sufrimendu sortzen duen salbuespeneko espetxe politikaren auziari aterabidea emateko".

Gogora ekarri dute 91 euskal preso daudela "salbuespen legeriaren mende": "Horietatik %75 bizilekutik 500 kilometrotik gora urrunduak. Sei dira larriki gaixo dauden presoak, horietatik bi, espetxean diren beste 14 bizkaitarrekin batera, 20 urte baino gehiago daramatzate preso". 79 preso dituzte lehen graduan, eta zigorren batuketarik ezak hamazazpi presori "zigor gehigarria" eragin die, Sareren iritziz: "Horrek guztiak, euren etxerako bidea egiteko oztopoak dakartza, egoera luzatu eta zigorra legedia ezohikoen bitartez gogortuz".

Atxak eta Azkarragak nabarmendu dute Sare ez zela "presoen auzian, instituzioen edo alderdien lana ordezkatzeko jaio", "gizarte zibila aktibatzeko" baizik, eta herritarrei dei egin diete manifestazioan parte hartzera, "gure izenean inork ez ditzan euskal presoen oinarrizko eskubideak urra".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre

ESK sindikatuak aurkeztu zuen salaketa, eta ekainaren 16an egin zuten epaiketa. Sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. 

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna