Noiz sortua: 2019-08-19 16:59:46

Alaves 1-0 Levante

Joselu eta Pacheco, Alavesen garaipenaren gakoak

Alavesek garaipen batekin hasi du Espainiako Liga, Asier Garitano entrentzailearen estreinakoan.

Luis Riojak debuta egin zuen atzo Lehen Mailan Alavesen elastikoarekin. /
Luis Riojak debuta egin zuen atzo Lehen Mailan Alavesen elastikoarekin. / David Aguilar/EFE

Berria -

2019ko abuztuak 19

Alavese aurreko denboraldiko bide onean dabil oraindik. Entrenatzailea aldatu badu ere, oso ongi jardun zuen atzo Espainiako Ligako lehen jardunaldian, eta 1-0 irabazi zion Levanteri etxean. Ez da hau garairik onena Gasteizen futbol partidak jokatzeko, baina zaleek ez zuten hutsik egin, eta 12.000 inguru bildu ziren. Garaipen polit batez gozatu ahal izan zuten.

Joseluk sartu zuen Alavesen gola, baina hari bezainbeste zor zaizkio hiru puntuak Pacheco atezainari. Joseluk bigarren zatiaren hasieran sartu zuen gola, baina atezain espainiarra erabakigarria izan zen Levanteren bi jokalditan: batetik, atsedenaldiaren aurretik egindakoan, eta, bestetik, eta bigarren zatian egindakoan.

Levante izan zen nagusi partidaren lehen zatian. Baloia ukituz hurbildu zen Pachecoren ingurura, baina ez zuen arrisku handirik sortu. Alaves ezkerretik saiatu zen erasoan. Luis Riojak debuta egin zuen Lehen Mailan. Lehen gol aukera garbia, ordea, eskuinetik iritsi zen, Aleix Vidalen jokaldi batean; area barrura erdiratu zuen, baina Riojari Levanteren atearen gainera joan zitzaion jaurtiketa. Bigarren zatian, 54. minutuan, eskuinetik igota, Vidalek berak erdiratu zion baloia Joseluri, , gola sar zezan.

1-0ekoarekin Levantek gora egin zuen, baina Alavesek sendo eutsi zion, lekua galdu gabe eta aurkariari presio eginez baloia batetik bestera mugitzen saiatzen zenean. Asier Garitanok ez zuen arriskurik hartu nahi izan, eta bost atzelarirekin jokatzea erabaki zuen, batez ere eskuin hegala sendotzeko, hortik ari baitzen Levante arrisku handien sortzen.

Partida honekin, hiru partida irabazi (Athletic 1-0 Bartzelona; Leganes 0-1 Osasuna; eta Alaves 1-0 Levante), bat berdindu (Valentzia 1-1 Reala) eta bat galdu (Mallorca 2-1 Eibar) dute euskal taldeek Espainiako Ligako lehen jardunaldian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Bortzgarren neurri sorta onartu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze kultura ogibide dutenentzat 50.000 euro arteko diru laguntzak onartu dituzte eta hamabi hilabetez luzatuko dituzte autonomoentzako eta aldi baterako lan erregulazioan daudenentzako alokairua ordaintzeko diru laguntzak. 

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Behobiako zubia, Irun eta Hendaia artean, itxita. ©Andoni Canellada / Foku

Ekainaren 22an zabalduko dute Ipar eta Hego Euskal Herriaren arteko muga

Jon O. Urain

Reyes Maroto Espainiako Industria ministroak eman du dataren berri. Mugak ia hiru hilabete daramatza itxita, eta horrek eragozpen ugari eragin dizkie eremu horretan bizi diren herritarrei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna