EUSKAL PRESOAK

Presoen "korapiloa askatzeko garaia" dela nabarmendu dute Bilbon

3.000 lagunek baino gehiagok manifestazioa egin dute, Sare Herritarrak eta Bilboko Konpartsek deituta.

Presoen eskubideen aldeko manifestazioaren burua.
Presoen eskubideen aldeko manifestazioaren burua. Aritz Loiola / Foku

Jon O. Urain -

2019ko abuztuak 23

Euskal presoen auzia konpondu eta "korapilo oro" aska dadila eskatzeko, manifestazioa egin dute gaur eguerdian Bilbon. Sare plataformak eta Bilboko Konpartsek deitu zuten martxara, eta jendetza batu da abiapuntuan, Moiua plazan, "bakearen, elkarbizitzaren eta konponbidearen alde aurrerapausoak emateko".

Sarek azpimarratu du "sufrimendurik gabeko etorkizun baten alde" lan egiteko konpromisoa duela: "Herri gisa aurrera egin, elkarbizitzan sakondu eta presoen auziari aterabidea emateko herritarron aktibazioa eta konpromisoa ezinbestekoa dela adierazi nahi dugu gaur".

Plataformak uste du herritar orok izan behar duela "konponbidearen parte aktibo, urteetan sortutako eta egun oraindik sortzen den minaren eta indarkeriaren ondorioei soluzio bateratu eta justua eman ahal izateko".

Hori horrela, konponbide "justu eta duin" baten eraikuntzak "enpatia ariketa handia" egitea eskatzen duela nabarmendu du: "Batetik, minak sortutako gorroto eta mendeku sentimenduak, sufrimendu guztien aitorpenagatik eta elkar ulertzeko nahigatik ordezkatuak izan daitezen eskatzen du. Eta, bestetik, irekita dirauten zauriak ixteko prozesuan, batzuei zein besteei sufrimendu atxiki bat sor dezaketen jarrerak ekiditea eta elkarren arteko oreka topatzea eskatzen digu".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna