Noiz sortua: 2019-09-13 08:10:58

Politika

Urtaran izendatuko dute Eudeleko presidente, EAJren, PSE-EEren eta EH Bilduren babesarekin

Jose Antonio Santano Irungo alkatea (PSE-EE) aukeratuko dute presidenteorde eta Nagore Alkorta Azpeitiko alkatea (EH Bildu) bigarren presidenteorde.

Gorka Urtaran Gasteizko alkatea, artxiboko irudi batean.
Gorka Urtaran Gasteizko alkatea, artxiboko irudi batean. David Aguilar/EFE

Gorka Berasategi Otamendi -

2019ko irailak 13

Hautagaitza bakarra aurkeztuko da Eudelen Batzorde Eragilearen hautaketara. EAJk, PSE-EEk eta EH Bilduk hautagaitza bateratua osatzeko akordioa lortu dute, eta ados jarri dira Gorka Urtaran Gasteizko alkatea (EAJ) udalerrien elkarteko buru izendatzeko.

Eudelen Lurralde Batzordeetarako ere zerrenda bateratuak eratzeko akordio desberdinak izan dira, eta horietan ere zerrenda bakarra aurkeztuko da. Araban, EAJk, EH Bilduk eta Elkarte Independenteak Urtaran izendatuko dute arduradun nagusi. Bizkaian, Amaia Agirre Getxoko alkatea (EAJ) izendatuko dute Lurralde Batzordeko buru EAJk, EH Bilduk, PSE-EEk eta Elkarte Independenteak. Gipuzkoan, berriz, EAJ, PSE-EE eta EH Bilduren babesarekin hautatuko dute Izaro Elorza Oñatiko alkatea (EH Bildu) Lurralde Batzordeko presidente.

Eudelek datorren ostegunean hautatuko ditu 2019-2023 agintaldirako gobernu organoak. Elgoibarren (Gipuzkoa) egingo dute hautaketarako batzar orokorra, 10:30ean. Araba, Bizkai eta Gipuzkoako 245 udal bazkidek izango dute botoa emateko aukera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna